ان شاء اللة الحل الامثل لمشكلة كونتاكت سيرفيس
السلام عليكم ورحمة اللة وبركاتة
طبعا كلنا تعبنا من مشكلة كونتاكت سيرفيس الى بتظهر فى تليفونات 1110-1112-1200 وهكذا....
بص يا عسل..... دى خطوات تعملها وان شاء اللة تتحل المشكلة
اول حاجة ودى مهمة جدا انك تفتح الجهاز حتة حتة وتغسلة غسلة تمام وتنظفة كويس قوى قوى لان ممكن شوية تراب او حتى نقطة مية تعمل احلى شغل وتقرفك...
غسلت وهى هى نفس المشكلة نجرب سوفت طب اعمل اية؟ ... اقوللك
اول حاجة اعمل انلوك بردة مفيش؟
طب اريس الفلاشة وبعدين اختار ملفاتك عادى وقبل ما دوس على flash علم على unlock -factory setting
خلصت الفلاشة تمام اكتب ملف pm تكون متاكد منة مية فالمية لان ممكن تكون المشكلة فى الملف دة
بردة مفيش..... كدة بقى يا عسل دى مشكلة هارد وير
لالالالالا استنى رايح فين محلولة بردة ان شاء اللة
بص يا جميل اول حاجة تشيك عليها الشاشة........ اة واللة الشاشة جرب واحدة اصلية وان شاء اللة خير
بردة مفيش جرب بطارية تانية بردة اصلية
بردة مفيش غير سوكت الشحن
فى مقاومتين جنب سوكت الشاشة دا بالنسبة الى 1200 على اليمين غيرهم وان شاء اللة خير
واخيرا ....ايسى الباور وانت ورزقت حيشتغل يا يموت وربنا معاك ومعايا
وان شاء اللة الحل مش حيخرج على اى حالة من الحالات دى واللة المستعان اخوكم محمود الانصارى
رد مع اقتباس
المفضلات