انا عملت الموضوع ده لانتشار ظاهره غريبه و هي سرقه رصيد الشحن ع الهواء
انتشرت هذه الظاهره عندنا في الاسكندريه في الفتره الاخيره
اللي بيحصل كالاتي :
ده تفسيرنا احنا تقريبا هو بيدخل اكتر من مره و كل مره بيحاول يشوف اللي بيشحن له و يلقط منه الرقم السري ..........
طبعا هنا احنا اللي بيدخل عاوز يشحن بنقول له خد التليفون اكتب رقمك .....!!
متفهمش اذاي بقي و بسرعه ده بيخرج من قايمه الشحن و يحول لنفسه مبيعات
وطبعا بنلاقي الرصيد راح بنتصل بالشركه بيقولوا لنا اتحول مبلغ علي رقم ؟؟؟؟؟؟؟؟؟؟؟
طبعا الشركه مبتطلعش بيانات اكتر من كده
و المشكله ان اللي بيسرق مبالغ تقريبا كل الموجود في الشريحه و بيسيب لك اللي يشغلك بعده شويه علشان متكتشفش السرقه
الموضوع محير و ياريت اللي عنجه معلومه يفيدنا بيها
احنا مسروق مننا 15 الف جنيه
الفرع التاني 2000
سنترال تاني 25 الف جنيه
و اخر 2000
و اخر 300
و النهارده و احد تاني 18 الف جنيه
و و احد بعده في نفس اليوم 900
وغيره و غيره تقريبا في حوالي شهر من منطقه غرب الاسكندريه حوالي 200 الف جنيه
الموضوع للتحذير و لو حد عاوز الارقام اللي الرصيد بيتحولها انا ممكن اكتبها له علي الخاص
منتظر الردود
المفضلات