الذكريات أجمل شىء فى الدنيا.....
الذكريات ممكن تكون هى الحاجه الوحيدة اللى بتخلينا نتمسك بالحياة
ونواصل عشان نقدر نكمل .....
طبعا فى مواضيع كتير هنا فى المنتدى اتكلمنا فيها عن ذكرياتنا
بس أنا النهاردة مش عشان نحكى الذكريات دى
ونسترجعها .
لا أنا هتناول ذكرياتنا من جانب تانى خالص مختلف
جانب تحس ان فيه روح
جانب يمكن يأخد كتير مننا عشان نسرح فيه
جانب له ريحه مميزة .
ريحه تأخدك معها لمكان الذكريات دى
وكأنك حاسسها وعايش جواها
الموضوع دة محتاج احساسك ..... محتاج خيالك..... محتاج روحك
ادى الفرصه لنفسك انك تتعرف على ريحه ذكريات
وتشوف قد ايه هى مميزة بالنسبه ليك
حتى لو كانت متشابهه مع ريحة
ذكريات الاخرين
بس فى النهايه أكيد فى حاجه بتميزها عن غيرها
وأنت الوحيد اللى حاسس بالميزة دى .
يمكن الموضوع هيكون غامض لناس كتير بس فى النهايه الموضوع
مش محتاج غير الاحساس .
يعنى لما تشم ريحه الكتب الجديدة أكيد بتفتكر أول يوم كنت بتستلم فيه الكتب من المدرسه .....
لما تشم ريحه المطر بتفتكر يوم نزلت فيه من البيت من وراء اهلك عشان تلعب تحت المطر ...
لما تشم ريحه البحر بتفتكر الصيف اللى كلنا كنا بستناة عشان نطلع نصيف مع العيله ....
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 732x490 والحجم 27 كيلوبايت .
لما تشم ريحه اللبس الجديد وانت قاعد مستنى الصبح يطلع عشان يجى العيد ....
أنت كمان ادخل قولنا ايه ريحه ذكرياتك ؟؟؟؟؟
المفضلات