حوش اللى وقع منك
كلمه بنسمعها كتير جدا
خاصه من الشباب الهايف
بيبقى الغرض منها الاستظراف
تبقى البنوته ماشيه فى الشارع
تلاقى الشاب الهايف ده اللى هو شعره مش تقدر تفرقه عن البنات بسببه
والبنطلون اللى واقع منه .. وال ايه موضه
ينادى للبنت يقولها
بس بس
يااااااااااااااا
حوشى اللى وقع منك
والبنت
يا هتبص تشوف فعلا ايه اللى وقع منها بحسن نيه
وهو طبعا هيقعد يضحك
يا هتبصله بقرف .. وهيقولها بصى على قدك
يا هتتجاهله تماما .. ويبقى شكله وحش
وحط نفسه فى موقف بااااااااييييييخ
تخيلوا بقى لو البنت هى اللى خلت الولد الهايف ده ماشى وقالتله
حوش اللى وقع منك
يا ترى تفتكروا هيبص على شعره .. ويقول شعرى اللى وقع
ولا هيبص على بنطلونه اللى واقع لوحده اصلا
ولا هيبص عالسلسه اللى فى رقبته وبفكرها هى اللى وقعت
ولا هيبص على السيجاره اللى فى ايده ولا الولاعه ولا علبه السجاير
ولا هيبص على الانسيال ولا الحظاظه اللى فى ايده
طيب ولما مش هيلاقى حاجه من دى واقعه
اكيد
هيقولها ظريفه
او هيعمل تقيل ولا يعبرها
تيب ولو قلتلك ان البنت مش بتعاكسه
والكلمه هنا مش غرضها الاستظراف
لان الموضوع مش عن المعاكسات أصلاً
ولا الغرض منه مهاجه طرف معين
يبقى .. يا ترى اتقاله حوش الى وقع منك على ايه ....؟؟!!
*اكيد على رجولته اللى شبه ضايعه فى منظرته بكجولته الفارغه
وحوش اللى وقع منك
ومش كده وبس ...
* لما البنت تتجرد من حياءها وتتجرد من انوثتها
نقولها حوشى اللى وقع منك
*لما الانسان فى شغله يتبع المصالح والواسطات
نقوله حوش اللى وقع منك
* لما الانسان يظلم الناس ويشهد الزور وينكر الحق
نقوله حوش اللى وقع منك
*لما عالمنتديات وفى الجامعات وفى الشوارع
نلاقى السلبيه والاباحيه ويبقى رد الفعل .. عادى يعنى
لازم نقول حوش اللى وقع منك
*:•. بسسسس حوش إلي وقع منك.•:*¨`
رد مع اقتباس
المفضلات