.gif)
الاسباب التى تؤدى لفقدان نقاط او ارجل على البوردة
بسم الله الرحمن الرحيم
اخوانى مشتركى الجيم فلاش تحيه طيبه وبعد ،
هناك مشكله وليست بالسهله فاغلبيه من يعمل فى مجال الصيانه تقابله مشكله وهى فقدان نقاط مهمه من على البوردى اسفل ic او اسفل كرستاله
او مقاومه مهمه تقوم بتغذيه powerاو صوت او ما يساوى ذالك
فهناك اسباب ادت الى حدوث هذا الخلل وضياع نقاط مهمه
واسمحو لى ان اقدم لكم بعد الاسباب التى ادت لحدوث مثل ذالك:
اولا : استخدام كاويه لا تعمل بكفاءة ؟
واحد هيسال طيب ازاى؟
هقوله لو كانت بتعمل بكفاءة كانت قامت باصهار القصدير الموصلل للمقاومه وما كان هناك مشكله عند تركيب المقاومه او توصيل موصل من طرف المقاومه ....
ثانيا : عند خلع ic او كريستاله ولم تصل درجه الحرارة الى اصهار القصدير الموصل لها.
اخ كريم هيسأل هيقول وانا هعرف ازاى ان القصدير بقى مصهر تحت الكريستاله او تحت الاى سى؟
اقوله بسيطه جدا عند التسخين على اى سى او كرستاله لازالتها او تغيرها نقوم بتحريك القطعه المراد خلعها تحريكه بسيطه لو اتحركت يبقى كدا القصدير بقى سائل ولو متحركتش يبقى لسه ومينفعش تشيلها لانك لو شيلتها ولسه القصدير مأخدش السخونه الكافيه لاصهارة هتطير رجل واحنا مش عاوزين كدا
ثالثا: عند تنظيف اسفل ic وتركيب ic جديد فيه بعد الناس بتنضف بكاويه بدون استخدام اى وسيط
واحد هيقول ايه الوسيط
هقوله يا الفونيا يا فلكس
هنا يا اخوانى يفضل استخدام الالفونيه لانها ترفع من درجه حرارة القصدير وهنا نتاكد من اصهارة وعدم حدوث مقاومه للا رجل واجتناب خلعها.
يارب اكون وفقت لتوصيل المعلومه التى تضر بالكثيرين الذين يعملون فى مجال المحمول
وان شاء الله المرة القادمه ساقدم
لكم السياسه الواجب اتباعها عند فقدان رجل وكيفيفه معرفه اذ كان لها اهميه او لا ولو كان لها اهميه ماذا سنفعل
وان كانت ليست ذات اهميه ماذا سنفعل ايضا
تحياتى للجميع
محمد صلاح
رد مع اقتباس
رد: الاسباب التى تؤدى لفقدان نقاط او ارجل على البوردة
اللهم اغفر وارحم انت خير الرحمين
المفضلات