بسم الله الرحمن الرحيم
[ اهداء لحبيب القلب Jine ]
( أغلى القصيد ) أقدّمه لجل عينيك
وأهدي لك من بحور الأشعار { درّه }
واصوغ .. عذب أبيات شعري لترضيك
ياللي يمين ..أيسر كتوفي.. [ مقرّه ]
من بدّ كل الناس يا خلّي أغليك
ومشاعري على الغلا [ مستمرّه ]
والله محدٍ في عيوني..[ يساويك ].
وعداك ما يسوون { مثقال ذرّه }
تاهت حروف الوصف حين ابتدت فيك
مرّة تصيب .. وتخطي ألفين مرّه
كل { الوصوف المبهرة } ما توفّيك
حتى الحروف تقول :/ لله درّه !!
لبّى .. عيونك وابتسامات اشافيك
يالله عساك لعين [ مغليك ] قرّه
يا ( نور عيني ) جعل ربي يخلّيك
وجور الزمان .. الله يكفيك شرّه
على طريق الوصل ثبّت خطاويك
ودرب الجفا .. راع الوفا ما يمرّه
وإن جابوا العربان فالهرج طاريك
يفزّ | ..قلبي.. | كن شيٍ يجرّه
ولا ضاق صدري .. من عنا وقتي أجيك
وشوفتك .. مفتاح السعد و المسرّه
وليا [ تكدّر خاطرك ] جيت أسلّيك
وأبعدك .. عن جوّ الكدر و المضرّه
وأنت وأنا ما بين هاذي .. وهاذيك
أعظم ( حكاية ودّ ) تحت المجرّه
تعطيني صافي الصدق.. وأعطيك
قلبٍ { شياطين الحسد } .. ما تغرّه
وإن كان قاموا يهرجون | الصعاليك |
سَفْه السفيه [ أحسن طريقة تحرّه ]
( أغلى بيوتي ) صغتها لجل عينيك
وقدّمت | لك | من بحر الأشعار درّه!
::
اخوك احمد
™Ởņ ĻĬŇę
المفضلات