عايز رئيكم في المسابقه دي

[قرتاشي]

بسم الله الرحمن الرحيم

انهارده وانا اعد افكر جاتلى فكرة جامدة للمنتدى ويا رب تعجبكم كلكم , هى تقريبا مش فكرة دى مسابقة وان شاء الله هتعمل شغل جامد فى المنتدى.

المسابقة عبارة عن فرق او مجموعات كل خمس اعضاء يكونوا مجموعة وكل مجموعة تختار عضو منها يكون نائب عنها والنائب ده هو اللى هيبعت الرد اللى فيه اسماء اعضاء المجموعة واسمها وهو اللى هيبعت الموضوع بتاع المسابقة .

فى خلال يومين يعنى على يوم معين تحدده الحكام توكون كل الفرق جاهزة للمسابقة وبعد تحديد الفرق هتبتدى المسابقة وهى ان كل فريق هيتعاون عشان يطلعوا موضوع قوى ينافس بقية الفرق والموضوع ده ان شاء الله حاولوا تجهزوه فى خمس ايام بالكتير .

بعد ما تخلص المواضيع نائب الفريق هيبعتها وبعد كده هيكون فى لجنة تحكيم اللى هى (المشرفين) هيقرروا انهى اجمل موضوع .وطبعا هما اللي هيحددو الجوايز ....

شروط المسابقة :

1-ماتزيدش المجموعة عن خمس اعضاء.

2-مش مسموح لاى عضو انه يغير فريقه .

3- الموضوع مش مرتبط بمجال معين.

4- محدش يزعل من لجنة التحكيم طبعـــــــا .

بس هى دى الفكرة ويا رب تعجبكم وكلكم تشاركوا
في انتظار ردودكم وفي انتظار رئي اخي السخاوي