المشاركة الأصلية كتبت بواسطة m_m
انا اخوكم مصطفى وانا على فكرة متعلم الصيانه بقالى سنه او سنه ونصف اعد اخبط شويه من هنا على معلومتين من هنا على فكرة من هنا
وبحاول اعدى
بس للاسف برضه فى اشياء كثيره بتقف عليا
وانا مش عارف ايه الحل والدورات الى فى السوق ولا اى حاجة
وانا من المنصورة
ونفسى حد يساعدنى وهتبقى خدمه لكل من يحتاج اى شئ فى المحمول
بس دى عايزة مجهود شويه
يجماعه انا متأسف
بس حقيقى المخططات الى اتنوا بتبعتوهالى بتساعدنى كتير وكتر الف الف خيركم
وانا حقيقى جايلى سفريه السعوديه وهشتغل فى نفس المجال بس انا فعلا ضعيف
ونفسى ابقى كويس فى المجال دة
انا كنت بقول لو المشرفين اجتمعم وابتدوا من النهارده ان كل يوم يكون فى موضوع مختص كله حول نوع معين مثلا 3100 مثلا جوة هاذا الموضوع يتحط فيه كل سوال ممكن اى حد يطرحه ويتجاوب عليه نظرى وعملى وعلمى وحل بالصور والافكار وشرح للبرده وطبعا الاعضاء ممكن تدلى بأفكار جديده ودة طبعا مش هنسيب المنتدى ونعد فاضينله بس لو نصف ساعه من كل واحد فينا يدلى بمعلومتين تلاته فى اليوم عن جهاز واحد شوفوا بقى احنى كام واحد فى الموقع
يعنى ممكن تلاقى الجهاز بقى سهل جدا لاى حد ممكن يشتغل صيانه فيه
وبكدة لو حد دخل عشان عيب معين فى الجهاز مثلا 3100-3120-3200-3220-3230وهاكذا ابتداء من dc4 وانت طالع مش هيسيب الصفحه غير لما يخرج بحل للعيب اى كان هو ايه وهاكذا وصدقونى كدة هنساعد كلنا بعضنا وكووووووووول دة بعد اذن صاحب المنتدى ولو حصلت واعتمدت يتعملها قسم خاص بحيث تخش جواه تلاقى مواضيع كتيره جدا وكل موضوع بيحكى عن جهاز مختص بنفسه
اتمنى انى اعرف رأى الناس الى معانا فى المنتدى ومرحبه بالموضوع ولو كدة المشرفين يبدوا واحنا معاهم ووراهم ونساعد كلنا بعض لان المنتدى دة معمول عشان كله يساعد بعضه
وعلى فكرة هتبقى منها دوره بطيئه وتفهمها على مهلك وفى نفس الوقت لو نسيت اى معلومه فى اى وقت تقدر تجيبها
صدقونى هو موضوع متعب بس حقيقى هيبقى جامد جدا
بص لو رحت اخدت دورة سواء في سموحة او الصباحي او اكت او عند حسام عزام اي واحد في المنصورة هايديك 12 محاضرة Dct3 وممكن 3 DCT4 ولو ربنا كرمك محاضرة او 2 bb5
ده بالنسبة للهاردوير
بالنسبة للسوفت برضة للاسف الشديد ان اللي بيديك الدورة مش عاوزك تكون احسن منة بيديك معلومات كده ممكن تموت معاك جهاز او تضرب Rpl كده يعني طبعا انا عانيت من الامرين سوف وهارد وبرضة في نفطة مهمة مفيش حد في المجال ده بيحب حد يكون احسن منة وده علي الاقل في المنطقة اللي انت شغال فيها
بس فيه تقطة هااقولها لك انت الاول لازم تكون فاهم دواير الموبايل شغالة ازاي
يعني دايرة الباور دايرة الشبكة
كتاب احمد تحسين الموجود هنا هايفيدك كتير بس للاسف هو مش متكلم علي دايرة الباور واشياء اخري بس ساب يمكن دايرة الشبكة وفيه حاجات تانية
انا بدرس في كليه العلوم والانجليزي عندي كويس المهم انا بحثت علي النت وجبت كتب انجليزي متكلمة عن موضوع الموبايل باسلوب علمي جميل جدا انا قرات الكتب وبدءت ازرد المعلومات اللي عندي من المنتدي عنا ومن المنتديات الاجنبي والكتب
انت الاول بتحدد العطل فين وبعدين بتبدء تدرس دايرة العطل علي المخطط ممكن ان فيه جزء في دايرة معينة يكون الفولت مش واصل له يعمل العطل او تراك مقطوع
بص الموضوع محتاج ممارسة ولو سئلت اي حد هايقولك سخن
انا مرة كنت عن فني صيانه المهم الراجل عندة عطل شبكة مسك الهوت اير وفضل يسخن علي دايرة معينة المهم انا لمار جعت فتحت المخطط لاقيت ان المكان اللي هو بيسخن فيه خاص بدايرة ال 1800 ودي اصلا مش شغالة في مصر
اللي شغال في مصر 900 بس قيس علي نفس العطل اللي فات دة كتير ومعظم الناس شغال كده سخن وخلاص ده في الهارد
اما اللي شغاله سوفت واحد كان بينزل نغمات لقي ان الموضوع مش ماشي قام جاب بوكس وشغال طيب كويس شغال ازاي بقي نزل سوفت وبعدين فرمت الجهاز واعمل استعادة ضبط المصنع وبعدين كان اللة بالسر عليم
انا جالي جهاز كان مع واحد من امريكا المهم ان الراجل لف علي الجهاز ده كتير علشان يشغلة جو مصر وفي الاخر انا شغلتة له ببساطة خالص لاني يمكن فاهم دايرة الشبكة شغال ازاي
اقرا الاول وشوف خلي عندك خلفية كويسة وافهم الدواير شغال ازاي وانت هاتكون رقم 1
المفضلات