قائمة الاعضاء المشار اليهم
النتائج 1 إلى 2 من 2

الموضوع: بحبك بحر

  1. #1
    .: جيماوي فعال :.
    الصورة الرمزية الملثم

    الحالة
    غير متواجد
    تاريخ التسجيل
    Aug 2009
    المشاركات
    246
    الشكر
    147
    شُكر 230 فى 119 مشاركة
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    42

    Smile بحبك بحر

    بَحبِّك بَحَرْ
    !مَعاي
    وْ غِشيتِكْ أسلِّم عَليكْ
    أتكِّل قُصَادِكْ
    هُموم الحَرَازْ
    أطمِّنْ طيوف الخريف الوشيِك
    أبشِّر دواخْلِك بوعَدْ الرَزازْ
    مودِّر مَلامحِكْ
    غبِيتِكْ
    لِقيتِكْ
    بتلفُظْ شوارعِكْ بيوتِكْ
    تصادر خُطاي َ وتْكَاجِر مَشيِكْ
    تَغَالِطْ حَواسِكْ مَلامحِكْ
    وتْحَرد عيونِكْ مقَاطع وَشِيكْ
    !سَألتِكْ: خَبَارِكْ
    مَسُوكَرْ لسانك
    ! وصَمْتِك يشفِّقْ
    خَبَارِكْ! بِتَغْرُب شُموسِكْ
    زمانَ الشَموس البِتَشرِقْ
    تضيع الملاحه التَّعطِّن وجيهِكْ
    ومِّنك تَدَفِّق
    !خبارك غريبة
    أَقلِّب دواخِلكْ
    أكوس الحبيه اللى عنِّك بِتفْرِق
    بتَفْرِق حبيبتى البِتَلْبس فصول الخُصوبه
    بِتضْحَكْ أغاني
    وتْدفِّق عُذوبه
    وْبِتَنْزِل
    مَطَرْ
    عِشِقْتِكْ لأنِّك حبيبتى
    وْبحبِّك بَحرْ
    عِشِقْتِكْ
    لأنّك خواتم الحقيقه
    وطريق الوصولْ
    لأنّك بداية الْخليقه
    واساس القبولْ
    أَحيِّي الغيوم
    البِتَفْطُم ذُبوِلكْ
    تَرضعِّ سُهولِكْ ، مواسم الهُطولْ
    واحيِّي المداين البِتَفْتَح حدودا
    وتمنح عيونِكْ جَواز الدُخولْ
    يزيد خيرِكْ
    ولا طابت بَلاَكْ عِيشَه
    مقسَّمة إنتِ فى غيرِكْ
    مقسَّمة فيكِ ما فيشه
    ومخيَِم ليلك العَسْعَسْ
    لا بَرقَنْ بُروق صَحوِكْ
    لا صُبْحِكْ رضِى اتْنفَّس
    يَحنْدِك فى العَطش غيمِك
    تمطِّري إنت فى الخاطر
    وتُنْفِّضي من دواخلي العَسْ
    بديتْ اِتسامى للآخِرْ
    رميتْ توب البِيات الرَّثْ
    قِوِيتْ إتْيَقَّنت روحي
    وسقَطَ منىِّ الكلام الغَثْ
    أنا الدّاخرِكْ بصيره وشوفْ
    يا بُقْعَة ضو
    فى عَتْمة قلبى المحفوفْ
    ومُسْربَل بالشِتا واللْيل
    والخوفْ
    فارغه ومليان بِيكْ
    وضيقَه عليكِ البِشره
    أنا غيّبْتِكْ بينى وكُنْتِكْ
    زمَّلتِك فى الخاطر بُشرى
    مزَّقت ستار الجِلد الهَشْ
    وطَلَعْتىِ مِنْ الجسد القشره
    تازقتَ
    لقيتِكْ فينى النَفْس الكامله
    تِتْوقِّي اليابسه
    والنهرِ فى إيدِكْ صَلصَال
    يتسارق ضوِّك خافت
    متهافِت نحوك أجري
    مُهرول راكض
    سابَقْت خُطايَ وْحَدَقْتِكْ
    غيمه..وضُلْ ..وبُحيره..
    ضارفْتِكْ بينى وضاريتِكْ
    من الحزن القابض
    نَفَسِي وروحي
    واقِف عَارِض
    ستَّفتَ عُيُونِك بالمطَرَه
    وقَرّحتكْ ضد الزمن الراَكضْ
    وحَدَقْتِك حبيبتى
    البتَشْبه فُصول الخُصوبه
    تَضَحْك أغاني وتدفّق عُذوبه.
    وبتَنْزل مَطَر
    عِشِقْتِك لأنك حبيبتى
    وبحبِّكْ بَحَرْ.
    أَبـــداكِ مِن ويــنْ
    !أبداكِ مِنْ وينْ
    وفيني مِنِّك لسّه حاجات
    من مخاوف
    ومنْ شَجَنْ
    !أبداكِ من وين
    وظنِّى إِنِّكْ
    فِكرة إعلان الحياه
    وإنتهاءات العوارِض
    والمِحَنْ
    نَفسي ألقاكِ
    وأكُون أنا كُلِّى مِنْ بعَغِك
    أو بعَضى من كُلَّكْ
    بَدَنْ
    وداير ابْقَاكِ
    وأوحِّد دورة َ الدَمْ
    المقسَّمه بيني بينك
    والسِحًنْ
    أبداكِ من وينْ
    !أبداكِ منّى
    ولاَّ مِنِّك أبتديكِ مَحَلْ..مَحَلْ
    مِنْ يَاتو منْفذ أدْخُلِكْ
    وكل المنافذ فيكِ
    سدَّاها النَحَلْ
    مِنْ يَاتو شارع أوصَلِكْ
    وكل الدروب مَعْطونه
    لى آخر الوَحَلْ
    أستبيح كل الحواجز
    وأدخُلِكْ
    من كلامِك - أدْخُلِكْ
    من بين مَسامِكْ -أدخلك
    مِنْ
    أىِّ
    قَاسم مُشْتَرَكْ
    وشُبْهَة تشابه - أدْخُلك
    ونِتْلاقى نهرين
    من تسامي وإشتها
    وأَبْدَاكِ من حيث إنتهتْ عندك
    خواتم الإنْتِهَا
    أبداكِ..واخلْع
    خيام عُمري المضي
    والقاكِ مبسوطّه اليدين
    مفتوحة أبواب الرِّضا
    أبداكِ من لحظةْ أنسْتِك نار
    وأَخَدْتَ مِنْ قَبَسِك هُدى
    وأنا ضُمَّه زَاهِدْ
    فى الدروب الما بْتَجيكِ
    وَلاَ بْتَرجِّع ليَّ مِنْ تالاكْ صَدى
    أبداكِ من وينْ
    !من وين...
    وضــــّاحــــه
    الصباح الباهى لُونِكْ
    وضّاحه يافجر المشَارِقْ
    غابة الأبنوس عيونِك
    يَابْنَيّه من خُبز الفنادقْ
    شيدتي في جواىْ صوامع
    للفَرحْ
    وفتحتِ في دُنياي مَسَارِح
    للمَرحْ
    وبقيتي ليْ
    سِكّه وعيون
    لا قِدرْتَ أطولكْ
    شان أجيكْ
    لا قِدرْتَ من غيرِكْ أكونْ
    وانا بيك مالينى الكلام
    حرّكت بيك عصب السكونْ
    جَلبتَ ليكْ الغيم رَحَطْ
    طرّزتَ ليكْ النيل زَفاف
    حَرَقْت ليكْ
    الشوق بخور
    وفرشتَ ليك
    الريد لِحَافْ
    لا السِكَّه بيكِ بِتِنْتهي
    ولا معاك ملّيت الطواف
    يا ريتني لو أقْدَر أكونِك
    الصباح الباهى لونك
    يَابْنَيّه من خُبز الفنادقْ
    غابة الأبنوس عيونك
    وضّاحه
    لو طال الطريق
    بيناتْنا واترامي المدى
    وصنَّت مَسَامْعِكْ من نِداي
    شِرْبَتْ فيافيِك الصدى
    ما تحنِْى هامات النخيل
    ما ترمي دَمَعات الندى
    ما تْشنِّفى الزمن الجميل
    دا العُمرِ يا دابو اْبتدا
    ! والعُمْرِ إيه حيكون بدونِك
    وضّاحهَ يا فجر المشارِق
    الصباح الباهى لونِك
    يا بنيه من خبز الفنادقْ
    غابة الأبنوس عيونك.




    لاتكن كالدخان يعلو إلى طبقات الجو وهو وضيع

    http://img197.imageshack.us/img197/6134/283967914.jpg

  2. #2
    من مؤسسي المنتدى
    الصورة الرمزية Raul

    الحالة
    غير متواجد
    تاريخ التسجيل
    Dec 2008
    الدولة
    مصرى اماراتى
    المشاركات
    13,984
    الشكر
    37,632
    شُكر 44,674 فى 10,694 مشاركة
    تم تذكيره فى
    1 مشاركة
    تمت الاشارة اليه فى
    4 مواضيع
    معدل تقييم المستوى
    1310

    افتراضي رد: بحبك بحر

    ممتاز ياحبى
    واحلى تقييم
    على الكلام الرائع
    وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ
    صدق الله العظيم
    ـ
    الحسابات الرسمية للجيم فلاش
    Facebook:
    https://www.facebook.com/gemflash
    Twitter: https://twitter.com/GEMFLASH1

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •