تصويت لاقامه قهوه الجيم فلاش (قهوه بلدى) ادخل اعطى صوتك
السلام عليكم ورحمه الله
قهوة الجيم فلاش
لصاحبها
المعلم راؤل
اهلا بكم
طبعا انتوا عارفين ان خلال فتره الترشيح المفروض اقوم ببذل مجهود
حتى ترى الاداره ان كنت استحق ام لا
انا مش هاعمل زى كل المرشحين فى الانتخبات واقولكم
واودعكم
انى هابنى بيوت
وهاجيبلكوا شقق فى مارينا
وهاشغل اولادكوا فى بنك الحظ
وهبنى حمام سباحه فى الحاره اللى ورانا
لا لا لا
لست انا هذا الرجل
انا هعملكوا قهوه بلدى
وهاقلكوا الفكره دى جتلى منين
امبارح وبدون قصد
لاحظت حاجه مهمه جدا
كنت كاتب موضوع شعر اسمه
اخيرا هبقى مشرف
والله يجازيه خير السخاوى
رمى كلمتين ومشى
وبعدها حصل هزار وضحك فوق العاده
لدرجه ان الناس مامشيتش
من الساعه الثامنه الى التانيه بعد نصف الليل
فلاحظت حاجه جميله قوى
روح الدعابه والدم الخفيف كانت فوق العاده
والناس كانت بتضحك من قلبها
مشرفين + اعضاء
والملاحظه الاجمل كانت
تفاعل المشرفيين الكبار مقاما والكبار سنا مع الاعضاء
ونشر روح الدعابه
وكانت المفاجأه دخول زبادوا
ودخل وتفاعل
والكل كما هو يضحك ويخرج ما بداخله
فقلت ليه منعملش قهوه بلدى
نضحك فيها برحتنا
ونتكلم فيها برحتنا
بدل ما احنا بنقلب الموضوع بمجرد ضحكه
يدخل فيها اللى وقته يسمح
ويدخل فيها اللى قاعد زهقان وعاوز يخرج من حاله الملل
وكمان هيكون ليها اهداف جميله
منها
طرح روح الدعابه والقرب بين المشرف والعضو
مع حفظ المقام فى الردود المؤدبه والمحترمه
دون ازعاج احد من قبيل التهريج
الهدف الثانى
اللى زهقان فى شغله وممكن يقفل بدرى
لما هيلاقى روح الفكاهه هيقعد وهينسى الملل
الهدف الثالث
نشر البهجه فى انفسكم
والخروج من دوامه الدنيا الحزينه التى لا يأتى من وراء التفكير فيها الا الاحباط
القهوه ستكون صديقه للبيئه
بس هنسمح بشيشه بس
وممنوع تداول فيها اى نوع من انواع (الكابتشينو) الغير صحى
يوجد لدنيا جميع انواع المشاريب
والتى ستوضح لكم عند اقامه القهوه
وهيكون فيها ركن للنساء
بس ال Coupel`s ممنوع
محدش يجى هو وصحبته
مش ناقصه حبيبه
وطبعا هاكون محتاج معايا اتنين يشتغلوا فى القهوه او تلاته
وتتوافر فيهم الشروط الاتيه
انه يقبل منى لقب صبى قهوجى
ويحمل اسم سفروت . الواد حته بتاع راجل وست ستات
والواد بسكوته مع حفظ مقامتهم طبعا
ان يكون سريع فى تنزيل الطلبات
وعلى يقين ان المشرف والعضو (الزبون) دايما على حق
وهيكون مقابل راتب شهرى
تقييم واحد كل شهر
+
(شكرا) مصروف ايده
***
ساعدونى بقى فى مشروع التخرج بتاعى
ولو بجد الفكره نالت اعجابكم
قم بالتصويت بالقبول او الرفض
وسوف اقوم بـنشاء القهوه فى اسرع وقت
تحياتى لكم
المعلم
راؤل
رد مع اقتباس
.gif)
المشاركة الأصلية كتبت بواسطة السخاوى
المفضلات