قبل ما تكتب عطلك !!
سلام الله عليكم :
لاحظت من خلال تنقلى ف اقسام الهارد والسوفت مدى تكرارية المواضيع والاعطال , ولامبالاة الكثير من الاعضاء فى عملية البحث , خصوصا المبتدئين أمثالى
فقلت :اكتب هذا الموضوع .
اخوانى الاعزاء : انا كعضو جديد احب ان يصبح منتدانا هذا افضل منتدى ف العالم العربى , وكثرة المواضيع غير المفيده والمتكرره تقلل من شأنه ولا تزيده
إليك الأتى : خطوات اوليه قبل الشروع ف موضوع
1- عندما يكون لديك عطل شحن مثلا , حاول ان تحدد العطل تحديد شبه كامل , يعنى الجهاز بيحس بالشحن , مش بيحس
اول حاجه تعملها ف عطل الشحن قبل ما تكتب موضوع - خصوصا ف السامسونج- تغير السوكت - تقيس مساراتك . متعرفش تتعامل مع مخطط ؟؟
اكتب ف جوجل _ مسارات شحن جهاز كذا ..... هتلاقى مئات الصور , بعد القياس مجبش معاك , اكتب ف بحث المنتدى عطلك بصورة عامه عشان تجيلك كل حاجه خاصه بيه , لم تجد ؟! اعمل موضوع
2- معاك عطل شبكه , الاشاره بتيجي وتروح , مش موجوده نهائي , اعمل بحث يدوي , بحث قصير , طويل , اعمل سوفت , عملت كل ده ونفس الوضع , اعمل موضوع
3- عطل مايك سماعه جرس ميمورى , اولا وقبل كل شئ تغيير القطعه المسئوله ثم القياس , وكما قلت اذا لم تجد مخططات , فعندك الاف الصور فى محرك البحث
لا تكتب الا الشئ النادر . هل تعلم ماذا تفعل ؟!! , انت تكتب موضوووووع ! يراه المشرفين والاداره والاعضاء , اكتب ما يستحق ان يثير اهتمامهم حتى لا تشتكى من عدم الرد عليك
_ نريد ان نصل بمنتدانا لكى يصبح موسوعة الكترونيه معلوماتيه مش تكتب: -الحقونى اخوانى بكبس الشاحن ف الجهاز مابيشحن !! وف الاخر يطلع عيب شاحن :D
_ مش عايزين نعتمد ع الطريقه السهله ف جلب الحلول , اتعب شويه - بدون افوره - وبعدها اوصل عطلك الغريييب المتعب لوحوش الجيم
_ اسف جدا , انا لست بمشرف ولا مدير لكى أملى عليكم ما يجب ان تفعلونه , ولكن وجدت شئ صالح لهذا المنتدى المحترم ممكن ان يكون - اتهري ف المنتدى 300 مره - بس حبيت اذكر نفسي واياكم به
_ الساده القائمين ع هذا الصرح : منتداكم مرجع لكثير من الاعضاء - انا عن نفسي باخد كورس فيه ببلاش
_ ف النهايه : اعمل موضوع يكون فريد من نوعه , واجعل اولوية موضوعك افادة الناس قبل ان تجعله حل لعطلك فقط . وشكرا
رد مع اقتباس
المفضلات