الحمد لله اشتريت بوكس z3x ولا اعلم عنه شيئا ولدى مطالعتي بالمنتدى ارى مصطلحات لا افهما مثل ( اعمل روت ) واصلاح بوت فهل بالامكان شرح بسيط وفديو يوضح طريقة العمل ولو بجهاز بسيط كيف نقرأ الانفو وطريقة التفليش ولكم مني جزيل الشكر
الحمد لله اشتريت بوكس z3x ولا اعلم عنه شيئا ولدى مطالعتي بالمنتدى ارى مصطلحات لا افهما مثل ( اعمل روت ) واصلاح بوت فهل بالامكان شرح بسيط وفديو يوضح طريقة العمل ولو بجهاز بسيط كيف نقرأ الانفو وطريقة التفليش ولكم مني جزيل الشكر
https://www.gem-flash.com/vb/showthread.php?t=103465
وراجع المواضيع المثبتة ..... عن نفسي استفدت متها كثيرا وكنت لا اعلم مثلك شيئ علي هذه المصطلحات والبوكس
موفق اخي.
راجع المواضيع المثبتة
اقرأ تجارب الاعضاء والعمليات على البوكس من الاسهل اي عمل انفو - قراءة الكود - تفليش هكذا
اي شيئ لا تفهمه اعمل به موضوع لتتم مساعدتك
شكرا اخي ع الرد بس ممكن شرح لبعض الامصطلحات : اعمل روت .... تصليح بوت ...... ادخل الى وضع الدون لوود
ساشرح كل شى بلغة بسيطة تفهمها وان اردت التأصيل العلمى يمكنك استخدام جوجل
الروت ، هوا ببساطة كسر الحماية وجعلك مستخدم خارق ، شئ نعمله للهاتف حتى يمنحنا خصائص معينة، ولية بنعمل العملية دى عشان تغغير الايمى و تغيير السيريال وفك الشفرات ، يعنى لو معاك مثلا i9300 عاوز تصليح سيريال من ضمن خطوات العمل انه لازم يكون الجهاز مكسور حمايته ( الروت ) ويكون مكتوب كدا فى البوكس Checking ROOT... TRUE كلمة ترو طبعا معناها ان الروت موجود وعلى اساسه هيبدأ ياخد القوة او الدفعة انه يقوم بالمهمة وتغيير السيريال لانك مستخدم خاارق ، ولو مفيش روت هتلاقى مكتوب Checking ROOT... FALSE وهيكتبلك خطأ ومش هيكمل معاك . يعنى الخلاصة الروت فى شغلنا بنستخدمه عشان تصليح السريال و تصليح الايمى وتصليح السيريال نمبر فى اى جهاز من الاندرويد الجداد .
الجزئية التانية المتعلقة بالروت ودى خدها كدا معلومة صغيرة فى بعض الاجهزة وليس كلها عشان نعملها الروت اللى هوا ( كسر الحماية ) لازم الاول بنعمل حاجة اسمها (كاستم ركيفرى) اى ريكفرى معدل ومن خلالة بنركب الروت ( ولية انا قلت معدل ؟ لان كل جهاز فى قايمة ريكفرى رسمية بتعت اجهزة السامسونج ولكن الريكفرى الرسمى فى بعض الاجهزة لا يقبل تركيب الروت من خلال فنعمل الريكفرى المعدل عشان نركب الروت من خلاله ) . وهشبههالك بمثال بسيط كدا
فرضنا الروت دا مكتب فى الدور 20 لازم عشان توصلو تاخد الاسانسير ( الاسانسير دا هوا الريكفرى المعدل )
شيئ اخير الروت يفقد الجهاز الضمان
تصليح البوت : على طريقة الروت هفهمهولك كدا بحاجة بسيطة وايضاا اذا اردت الاستفاضة يمكن استخدام جوجل او تستنى احد الاساتذة الكرام
البوت دا كدا حاجة زى الشاشة السودة اللى قبل ما يفتح الويندوز فى الكمبيوتر ( دا طبعا مجرد تشبيه عامى عشان توصلك الفكرة ) ، يعنى البوت دا الملف اللى قايم عليه النظام نفسة ككل ولو فقد خلاص يصبح الهاتف لا يشتغل
بيحصل من اية ، عمل سوفت وير خاطئ بمعنى جهاز i9300 اديلو سوفت وير بتاع i9305 رغم ان الاتنين نفس الشكل ولكن مجرد عمل شئ هكذا الجهاز يفصل تماما او لا قدر الله الكهرباء قطعت وانتة بتعمل سوفت وير ويصبح حتى حديد ، طيب عشان نرجع الجهاز للدنيا تانى ، بنصلح البوت للجهاز عشان يبدأ ينطق معانا وبعد كدا نعمله سوفت وير بالطريقة السليمة .
الاوضاع :
هما وضعين
وضع الداونلود مود
وضع الريكفرى مود
بالنسبة للداونلود مود : الوضع دا احنا بنستخدمه عشان نعمل للجهاز سوفت وير ودا بيكون عن طريق زرار خفض الصوت والهوم والباور من خلال الوضع دا بنعمل للجهاز سوفت وير عن طريق البوكس او عن طريق برنامج الاودين وهوا برنامج شهير جدا لعمل سوفت وير للاندرويد .
اما الريكفرى مود : دا وضع من خلالة بنعدى على قائمة الاسترداد ودى بردو بتكون عن طريق الازرار رفع الصوت والهوم والباور ودى بيكون خلالها قايمة بنقدر من خلالها استعادة النظام ككل لو حصل فى مشاكل زى التهنيج او الرقم السرى فك النمط ، ومن خلال القايمة دى بنركب ملف الرروت اللى قلنا عليه فى الاول .
زى ما قلت فى نوعين من الريكفرى دا الرسمى والمعدل وكل واحد يفرق عن التانى ، انا بس حبيت اوصلك الفكرة او على الاقل ارسم لك الخريطة عشان ممكن الواحد يكون تايه فى الاول ، وان شاء الله لما تحتاج شئ اعمل موضوع وان شاء الله هتلاقى كل العون
فى توقيعى هذا : اود دائما ان اشكر كل الاعضاء العاديين والاعضاء المميزيين والمشرفين والمديريين واصحاب الموقع على العلم النافع الذى يقدم للألاف من الناس ، شكرا جيم فلاش .
رجاء الدعاء بظهر غيب
المفضلات