طريقك لاحترافيه سامسونج اندرويد ( المحاضره الثانيه + الثالثه )

[Ahmed Zitoon]

السلام عليكم و رحمه الله
ارجوا ان اكون وفقت فشرح الجزء النظرى
الموضوع: طريقك لاحترافيه سامسونج اندرويد ( المحاضره الاول )


يعلم ربى انى بقدم لكم تعب انا فعلا بتعب فيه قد ايه عشان اقدم لكم الكورس
بالشكل الكامل و كم معلومات بيأخد وقت لتحضيره
لاستنوا بالدعاء بالشفاء
هشرح انهاردا عمليه الداون جريد لكن بنظره اوسع لمن لا يهمه الامر قم بالبحث فالمنتدى
الكورس فقط لمن يريد الفهم و الاحتراف عشان محدش يقولى انت مجبتش جديد فالكورس
و حبيت ابدا بالداون جريد لانى دى عمليه مهمه متكرر يوميا عن البعض مننا

نفرق ما بين
الداون جريد من فرجن 4.3 الى ما اقل اذا كانت الحمايه غير KONX
هنا بتكون المشكله فملف الموديم بعد الداون جريد

والداون جريد من 4.4.2 او 4.3 KONX
هتكون المشاكل كلاتى
1- خروج الهاتف اولا من الضمان
2- مشكله البوت لابد من فصلها عن الفلاشه ان وجد
3- الموديم

هتكلم على مثلا I9300 اذا كان على فرجن 4.3
اولا انصح بعمل باكب كامل من الريكفرى على كارته ذاكره لتجنب اى مشاكل قد تحدث
و ممكن تعمل EFS Backup
استعمل شخصيا هذا
EFS_Professional_2.0.110_Release.zip
و هناك عده طرق لا داعى للنقاش فيها

ممكن واحد بيفهم قوى هنا يقولى
س: ما انا اكيد هحتاج اعمل روت عشان باكب EFS
وانا عندى جهازى I9505 وهعمل داونجريد بفلاشه مفهاش بوت
او هشيل البوت من الجهاز زى ما هنتعلم قدام
وانا جهاز KONX و فيه ضمان و انا مش عاوز اخسر الضمان لانى بمجرد الروت القيمه هتتغير زى ما شرحنا فالمحاضره الاول
ج : فى حل موجود و هوا عمل روت دون انت تخسر الضمان
و هتكلم فيه معاك فأخر المحاضره بعون الله

نتكلم فصلب الموضوع اولا هنشتغل على
الداون جريد من فرجن 4.3 الى ما اقل اذا كانت الحمايه غير KONX
قولنا ان المشكله هتكون فالموديم بعد التفليش بفلاشه اقل

النقاط بقى الى جاى اتكلم فيها
س: اىه ال بيحصل لما بتكتب فلاشه 4.1 و الجهاز عليه اصلا 4.3 !
ج: بدايا شركه سامسونج قامت بتعديل منطقه ال EFS بمعنى المكان ال محدد لها عشان يكتب اختلف
والى هوا مكمنه منطقه Modem لانى احنا فلشنا الجهاز بفلاشه 4.3 طبيعى بعد عمليه الداونجريد ان تخلتف البارتشنات و تبقى هنا منطقه EFS فى مكانها الخطأ بعد تفليش الجهاز بفلاشه 4.1

توصل المبرمجين ان بمجرد كتابه موديم للجهاز عن طريق الريكفرى او الاودين
تنحل المشكله و يرجع السريال و البيس باند لكن سوال يطرح نفسه !
ماهى ميكانيكه كتابه موديم للجهاز ! و اى موديم يقوم بحل المشكله !

قبل الجواب على مثل هذا السؤال احب افهمكم حاجه كلنا نسمع لما نيجى نعمل داونجريد ان على المطورين بيكبوا كالاتى
Downgrade From MG4
و اغلبنا لا يعلم ما هو مفهوم هذه النقطه

هجاوب على السوال و الجهاز الى هشرح عليه I9300 ايضا
بدايا لكل اصدار من فلاشات السامسونج ROM build number
وعلى اساس ROM build number يتم التعامل مع الهاتف !
بمعنى من الاساس اصلا بنعمل داونجريد على اساس الروم بيلد هنعرف ايه دلوقتى
وليكن انا عاوز اعمل داونجريد من ROM build number
I9300XXEMG4
اكيد الرمز دا ليه معنى ! تعالو نعرف ايه المعنى واحد واحد
اصدار البيلد هوا I9300XXEMG4

الى يخصنى هم اخر ثلاث حروف و كل حرف يعطى مسمى
بالنسيه لاول لحرف
L=2012
M=2013

بالنسبه لثانى رقم
A=January
B=February
C= March
D=April
E=May
F=June
G=July
H=August
J=September
K=October
L=November
k=December

بالنسبه لثالث رقم
1=Revision 1
2=Revision 2
3=Revision 3
4=Revision 4
5=Revision 5
6=Revision 6
7=Revision 7
8=Revision 8
9=Revision 9
A=Revision 10
B=Revision 11
C=Revision 12
D=Revision 13
E=Revision 14
F=Revision 15

يعنى MG4 = 2013 - July - Revision 4

منذ
July 2013 - XXEMG4

غيرت شركه سامسونج EFS Directory/Partition الى مكان اخر
و يضح جدا فعمليه الداون جريد انك لو عملت من 4.3 داونجريد و جيت تغير سريال
او حبيت حضترك تكتب سوبر ايمى البوكس هيقولك انه تم و بالفعل هوا تم
ولاكن بص على السريال فالجهاز هتلاقى الى عملته كله دون جدوى السريال 0049 ولاحظ بقه انك اول ما بتكتب الموديم السريال السوبر بقى هوا الى هيرجع للجهاز
مش الاصلى يعنى اصلا تم تعديل المنطقه من قبل و لم تظهر

يعنى ممكن القول ان منذ
July 2013 - XXEMG4
حدثت شركه ساسونج EFS v1 to EFS v2

بمعنى انه
EFS v2 Basebands can read EFS v2 and EFS v1
EFS v1 basebands CANNOT read EFS v2, ONLY EFS v1

وهنا كانت الثغره كان على سامسونج انها كانت لابد تعطيل كتابه ملف الموديم الجديد على القديم
و لهذا طورت شركه سامسونج فى نظامها الكيكات حمايه البوت لودر اصلا من النزول عنه كما هو الحال ف فرجن 4.4.2 ولكن هناك حلول هستقدم فالكورس بأذن الله

اختصارا بعد كل هذا نصل لنتيجه الاتيه
انه بمجرد انك فلشت الجهاز 4.3 و احبتت تعمل داونجريد لفرجن اقل
فعليك بكتابه ملف الموديم بعد عمليه الداونجريد و السريال و البيس باند هيرجع ما دام انه ليس هناك مشكله
بمنطقه Efs
اما اذا كانت هناك مشكله فعليك بتميرر ملف من على اى البوكس استعمل شخصيا الاكتوبس او الذد ثرى
ومن ثم كتابه سوبر سريال لتجنب مشكله غير مسجل على الشبكه
هذا هوا الحل و ماشرحته مسبقا هوا التحليل

يتبع

[Ahmed Zitoon]

ما هى الطرق التى ممكن نكتب بيها الموديم !
و على اى اساس انا بختار الموديم

اتفقنا سويا اننا بكتب الموديم عشان مكان الموديم اتعدل و احنا عاوزين نرجع البيسباند
و عشان يرجع البيس باند لازم يكون موديم جديد الى هوا من بعد
2013 - July لانك طبيعى كتبت فلاشه 4.3 فأكيد موديم الفلاشه جديد

الموديم هذا الى بنفلشه بخانه Phone فى راديوا يعنى هو المسؤل عن اشاره الشبكه
يعنى لو انت عايش ف الصين او دول شرق اسيا هيكون اكيد الموديم بتاعك غير الموجه لدول الشرق الاوسط فكافه الحلات الجهاز هيجيب شبكه لاكن ممكن يكون الموديم الى انت كتبته يعطل ال 3G او بعد المشاكل الاخر مثل تفريغ البطاريه سريعا و السخنيه الملحوظه
و للعلم مش شرط الفلاشه MJ3 يبقى الموديم MJ3

س: يسألنى واحد مش مركز و انا هعرف ازاى ان الموديم دا بتاع فرجن جديد 4.3 ولا لا
ج: هقولك احنا لما قولنا فالمشاركه الاول
اصدار البيلد هوا I9300XXEMG4
تعرفنا على اخر 3 حروف و عرفنا نقراهم , الموديم بيكون دائما بأخر 3 حروف ودول بنجبهم من موقع المطورين و المتاحين منذ July 2013
MG2 - MG4 - MH1 - MJ3
هتلاقى المطورين طابخنهم وبنكتبهم من الريكفرى
فلش ما يناسبك فيهم و عشان تبقى مطن بقى و تكون فاهم اكتير هتنزل
Network Signal Info Pro
و هتشوف الشبكه عندك قد ايه من البرنامج نفسه

نفترض ان احد ممنا لديه جهاز حمايه KONX ولا يريد تركيب ريكفرى لكتابه الموديم

هعرض طريقه سهله جدا و بسيطه جدا جدا
نحن بصدد و ليكن i9505 اصدار 4.3
و نريد الداونجريد 4.2.2 و نخشى KONX
بعد عمل الداون جريد اصبحنا الان بصدد تمرير موديم بطرقه رائعه

بأستعمال 7Zip نقوم بعمل استخراج للفلاشه اى فكها ف مجلد
بعد فكها نستخرج ملف الموديم من الفلاشه بحيث يكون بهذا الشكل

modem.bin

ونفتح الاودين و نفلش ملف modem فى خانه Phone
رفقلكم جميع ملفات الموديم هنـــــا
مبروك تم كتابه الموديم بنجاح و ارجاع السريال و البيس باند بنجاح
الطريقه صالحه لكافه اجهزه السامسونج و ليس لموديل I9300 بالتحديد

لكن انتبه لا يمكن تفلش غير امتداد Bin غير الموديم فقط

لكن هناك طريقه لتجميع الفلاشه مره اخره بعد فكها و حذف البوت او الموديم
من الفلاشه ثم ارجعاها فلاشه اصليه كل هذه سترونه فالمحضارات التاليه

يتبع

[Ahmed Zitoon]

ممكن واحد بيفهم قوى هنا يقولى
س: ما انا اكيد هحتاج اعمل روت عشان باكب EFS
وانا عندى جهازى I9505 وهعمل داونجريد بفلاشه مفهاش بوت
او هشيل البوت من الجهاز زى ما هنتعلم قدام
وانا جهاز KONX و فيه ضمان و انا مش عاوز اخسر الضمان لانى بمجرد الروت القيمه هتتغير زى ما شرحنا فالمحاضره الاول
ج : فى حل موجود و هوا عمل روت دون انت تخسر الضمان
و هتكلم فيه معاك فأخر المحاضره بعون الله

الطرق عديده جدا ولكن هناك طريقه سهله جدا لاتحتاج لاى جهد لكن عيب واحد للبرنامج و هوا انه غير داعم 4.4.2
برنامج saferoot


الموديلات المدعومه حتى اليوم

- SCH-I545 Verizon Galaxy S4 ME7,MJ7,MK2
- SGH-I337 ATT Galaxy S4 MK2, MK6
- SGH-I337M Canadian Galaxy S4
- SGH-M919 T-Mobile Galaxy S4 MK2
- GT-I9505 LTE Galaxy S4 MH6, MKE, MKF, MJ5
- GT-I9500 3G Galaxy S4 MK1
- SPH-L720 Sprint Galaxy S4
- SCH-I435 Verizon Galaxy S4 Mini MK5
- GT-I9192 Galaxy S4 Mini MK4
- SPH-L520 Sprint Galaxy S4 Mini
- SCH-I535 Verizon Galaxy S3 - MK2, MJ3
- SGH-I747 AT&T Galaxy S3
- SGH-1747M Canadian/Bell Galaxy S3
- SGT-T999 AT&T Galaxy S3
- SGH-T999L T-Mobile Galaxy S3 4.3
- SGH-T999V Wind Galaxy S3 4.3
- GT-I9300 Galaxy S3 4.2 & 4.3
- SPH-L710 Sprint Galaxy S3
- SCH-R530C Cricket Galaxy S3
- SCH-R530U US Cellular Galaxy S3
- SCH-R530X Alltell Galaxy S3 MK4
- SCH-L710 CSpire Galaxy S3
- SCH-I605 Verizon Galaxy Note 2 4.3
- GT-N7100 Galaxy Note 2 MKA
- SGH-I317M Telus Galaxy Note 2
- GT-P5513 Galaxy Tab 2
- Razr HD 9.30.1
- Razr M 98.18.94,98.30.1
- Kindle Fire HD
- Verizon HTC One

فكره عمل الروت قائمه على خداع الهاتف بريكفرى بالاضافه انه لا يقوم بفك البوت لودر
يقوم البرنامج بخداع الهاتف

. Resetting the "Custom" and open padlock indication during boot can be worked around using the Xposed Framwork and Wanam Xposed. Get those two from the Play Store. In Wanam, tick "Security Hacks", "Fake System Status".

فى حاله رغبتك فى عمل Unroot للجهاز

su
mount -o remount,rw /system
rm -f /system/etc/install-recovery-2.sh*
rm -f /system/xbin/selinuxoff*
find /system/xbin -type l | xargs rm
rm /system/xbin/busybox
mount -o remount,ro /system
exit
exit

فى نظرى انت بحاجه لمتابعه الفريق على البلوج بتاعتهم هنا

يتبع

[Ahmed Zitoon]

بكدا انتهيت من المحاضره الثانيه فى طريقكم لاحتراف السامسونج اندرويد
اما بخصوص الداون جريد من 4.4.2 او 4.3 KONX فدا هيكون اخر محاضره انشاء الله
اعتزر عن الاطاله و انهاردا دمجتلكم المحاضره الثانيه مع الثالثه لضيق وقتى
فى انتظار استفسارتكم ان وجدت فحدود النقاط المشروحه فقط
الكورس هذا لوجه الله تعالى و دعاوتكم لى بالشفاء العاجل فقط
فى رعايه الله احمد زيتون

[Ahmad.Nadwih]

مممممم
كلام ما فيش عليه اي تعليق
بس اكيد في تعقيب .. يعني اضافة بسيطة لاهمية الموضوع
اذا انا عندي باك اب لل efsv1 من قبل ما احدث هل اذا رجعنه بعد الدانجريد بيشتغل الجهاز
الحواب نعم
شغله ثانية انا عملت دانجريد وفلشت المودم المناسب والشبكة رجعت بس سبكة البيانات مش كويس
هون في عندنا كلام شوي
المودم مسؤولة عن الارسال
واال efsv2 بيقرأ كل المودميات الموجودة اذا وين المكشلة ؟؟
هون بدي اضيف شغلة انوا في شي بالجهاز لدينا اسموا ril وهي طبقة مسؤوله عن التواصل بين المودم بحد ذاتها والراديو هارديور بتاع الجهاز
ولازم يكون في توافق بين ال ril والمودم الى حد كبير
هون حرجع الى موضوع وضعها الاخ hassan moamen
وفيها مودم ال mg4 وال ril المتوافق مع هذه المودم
ولمن يريد ملفات ril غير هذا موضوع على الهوستينغ
وبكذا نرجع الشبكة والارسال وشبكة البينات 100%

الخلاصة
انوا توافق ال efs والمودم وال ril يرجع الجهاز سليم 100%
يعني efs v1 + مودم قديم = ارجاع شبكة واذا اضفنا RIL مناسب كذا اكيد كل شي 100%
و efs V2 + مودم حديث او قديم = ارجاع السبكة وبرضو مع RIL متوافق جهاز سليم 100%

يسعدني ان اكون اول من رد
تحياتي لك وللجيم كله
احمد ندوة

[Ahmed Zitoon]

مممممم
كلام ما فيش عليه اي تعليق
بس اكيد في تعقيب .. يعني اضافة بسيطة لاهمية الموضوع
اذا انا عندي باك اب لل efsv1 من قبل ما احدث هل اذا رجعنه بعد الدانجريد بيشتغل الجهاز
الحواب نعم
شغله ثانية انا عملت دانجريد وفلشت المودم المناسب والشبكة رجعت بس سبكة البيانات مش كويس
هون في عندنا كلام شوي
المودم مسؤولة عن الارسال
واال efsv2 بيقرأ كل المودميات الموجودة اذا وين المكشلة ؟؟
هون بدي اضيف شغلة انوا في شي بالجهاز لدينا اسموا ril وهي طبقة مسؤوله عن التواصل بين المودم بحد ذاتها والراديو هارديور بتاع الجهاز
ولازم يكون في توافق بين ال ril والمودم الى حد كبير
هون حرجع الى موضوع وضعها الاخ hassan moamen
وفيها مودم ال mg4 وال ril المتوافق مع هذه المودم
ولمن يريد ملفات ril غير هذا موضوع على الهوستينغ
وبكذا نرجع الشبكة والارسال وشبكة البينات 100%

الخلاصة
انوا توافق ال efs والمودم وال ril يرجع الجهاز سليم 100%
يعني efs v1 + مودم قديم = ارجاع شبكة واذا اضفنا RIL مناسب كذا اكيد كل شي 100%
و efs V2 + مودم حديث او قديم = ارجاع السبكة وبرضو مع RIL متوافق جهاز سليم 100%

يسعدني ان اكون اول من رد
تحياتي لك وللجيم كله
احمد ندوة

كلام سليم مئه بالمئه
شكرا للتوضيح
و انشاء الله المحاضره القاديمه تتولى شرحها

[3llam]

الله ينور ياشباب
مجهود اكثر من رائع

[R E M O]

الله ينور يا شباب ع الشرح
والمجهود والمتابعه


تم التقيييم والتثبيت ++++

[MoHammed GSM]

الله ينور مجهود اكثر من رائع و متابع ممتاز جزاك الله خير

[manse]

بجد شغل ولا اروع وفريق متكامل يا رب دائما

وادعوا لك يا احمد باشفاء العاجل مشكووور حبيبي علي الشرح