مشاكل وحلول لمعظم اعطال الاجهزه الصينيه

**احمد مشعل** · 24-06-2011, 04:36 PM

مشاكل و حلولها فى الأجهزة
الصينى هاردوير

بعد ان قام ابو كنزي بتطرق الي مشاكل السوفت وحلولها
سأقوم بتطرق الي مشاكل الهارد وحلولها حتي نصل معا
الي الحلول السليمة فى الاجهزة الصينى لاغلب العيوب
المنتشرة والطريقة السليمة في التعامل مع الاجهزة
الصيني

سوف يتم شرح كيفية التعامل مع جميع دوائر
الجهاز الصيني بما انه لا يوجد لة مخطط او
كيفية التعامل معة علشان نعرف العالم كلة
ان المصري معروف بجبروتة مش اي كلام
هههههههههههههه
واحب اشكر ابوكنزي علي المقدمة الرائعة
والشرح الوافي الذي لا ينقصة شئ

و سيتم توضيح لمعظم العيوب المنتشرة فى الصينى
و طرق حلها بالشرح و الصور
ان شاء الله.

و الان مع
مشاكل الهاردوير للاجهزة الصينى

يتبع

احمد مشعل

24-06-2011 04:36 PM

**احمد مشعل** · 31-07-2011, 05:31 PM

السلام عليكم اخواني الاحباء
اعضاء وزوار الجيم فلاش

اسعد الله اوقاتكم جميعا ونتمنى ان تبقى سعيدة

باذن الله فيهذا الموضوع سوف نطرق الي
كيفية التعامل مع الاجهزة الصينية اولا يتم التعامل مع الجهاز بحرص شديد هاتقولي ازاي اتعامل معاة بحرص شديد لية
N95 هقولك ايوة واحسن من الn95 كلنا شوفنا الفيديوهات
بتاعت فك وتركيب الاجهزة النوكيا بيتعامل الفني بحرص شديد
ويستخدم مش عارف اية ويعمل اية ويفك ازاي مش هطول عليكم
تعامل مع الجهاز الصيني بنفس الطريقة دة انا بعتبرة اول باب
للوصول للطريقة الصحيحة في التعامل مع العطل كل ماتفك
الجهاز بالطريقة المملة هتوفر وقت والوصل لحل العطل اسرع
كلنا عارفين أي جهاز يتكون من مجموعة دواير

اولأ
دايرة السماعة الداخلية
تابع معاية الصورة دي

الكل هيقول انت ماجبتش حاجة جديدة هقولكوا لأ انا مش بعرض حل مشكلة لأانا بعرض شرح وطبعا كلنا شوفنا الصورة دي في
الموضوع دة
موضوع شامل لاعطال الماتركس بالصور

تمام طاب انت عاوز تقول اية عايز اقول ونوصل لصاحب الموضوع هووصل ازاي للحل دة مافيش مخطط امشي علية
وصل ازاي للحل دة هقولك علي طريقة تتعامل في الدوائر
دي بكل سهولة اولا هنقيس الممانعة للدايرة علي وضع البزر
مش هنلاقي ممانعة اول حاجة انا عايز أعرف اي طرف الموجب
او السالب اللي فاصل هقيس الطرف السالب مع أي تركة ارضي
في الجهاز لو اداني جرس يبقي طرف الموجب هو اللي فاصل
وبكدة انا عرفت احدد الطريق اللي همشي علية هقيس من الطرف
اللي واصل ومافيش قطع في المسار ومرر الطرف التاني علي
الدايرة واللي هاتديني ممانعة هوصلها مع الطرف الفاصل وبكدة
ان شاء الله اول ماهنجرب هنلاقي السماعة تعمل يشكل جيد
والطريقة التانية هناخد قياس الدايرة من جهاز شغال او بوردة
تقطيع وانا عن نفسي بتبع الطريقة الاولي طبعا احنا بنعمل
الكلام دة بعد تغير سماعة موثوق فيها

ثانيا
دايرة الجرس
بتختلف دايرة الجرس من جهاز لأخر ياعني انا عندي جهاز
K300 رجول الجرس طايرة من علي البوردة هتعمل اية
في جهاز زي الk هتوصل الجرس مع الهزاز هتلاقي بأذن
الله اشتغل طاب جهاز زي الماتركس بيختلف الموضوع
نهائي وحلها بيكون كدة تابع الصورة دي

طيب وباقي الاجهزة هتتبع الطرق اللي استخدمناها في دايرة
السماعة

طاب انا قيست كل الدايرة وتعمل بشكل جيد بعد كدة بتوجة
الي الكرستالة طاب غيرت الدايرة كلها والممانعة سليمة
هقولك هنشغل الجهاز علي الباور صبلاي وهدي للبوردة
تنية بسيطة او ضغطة علي البرسسور بلاقي الجرس
اشتغل اول ماأسيب ايدي الجرس يفصل يبقي كدة المشكلة
في البرسسور وحلها بالتسخين علي البرسسور مع هزة خفيفة
لأن كل دوائر الجهاز الصيني بالنسبة للفئة
Mtk نهايتها في البرسسور وبكدة نكون لامينا مشاكل الجرس
تقريبا بنسبة 90%

يتبع

احمد مشعل

**احمد مشعل** · 31-07-2011, 05:45 PM

ثالثا
دايرة المايك
هتتبع نفس الطرق في التوصل الي الممانعة بس مع اختلاف
بسيط اية هوا هقولك اهم حاجة تتوصل الي ممانعة بالقياس علي
وضع البزر بس الممانعة تدينا قياس 1.4 او 1.5 او 1.6
لا تزيد ولا تقل هي الممانعة الصحيحة لتشغيل المايك
زي كدة

طاب لو الجهاز المايك في الفلاتة زي كدة هتقولي اعمل الوصلة
دي

هقولك لو مسار المايك لغاية الفلاتة يعمل بشكل صحيح
هقولك لأ غير فلاتة علي طول ومتعملش وصلات
علشان موضوع الوصلات فاشل في موضوع المايك بنسبة 99%
وعن تجربة في الاجهزة اللي المايك بتاعها يعمل علي فلاتة ونحط
الاجهزة اللي المايك يعمل علي فلاتة الماتركس n73ztc واجهزة
الجي تايد وبكدة نكون توصلنا لأحدي الطرق لحل مشكلة المايك

رابعا
الكيباد
مشكلة الكيباد في الاجهزة التي تعمل الكيباد بدون فلاتة
انا بتكلم الجهاز يعمل بمفتاح البور ولا اي زر يعمل هتبقي
اولا مسببات اعطال الكيباد رقم واحد سوكت الشحن المشط
برسة من البرسات ضاغطة عملة مشكلة ازرار الفليوم في مشكلة
موقفه الكيباد بالكامل التاتش واخد خبطة خفيفة مش باينة يوقف
الكيباد بالكامل في مشكلة بتقابلنا بنشخص العطل علي انة كيباد
الجهاز يعمل بزر الباور ولازريعمل ومش عايز الجهاز يعمل أي حاجة
تاني العطل دة بيبقي تهنيج وليس كيباد ومشهور في فئة الmtk
وبيكون مشكلتة في البرسسور دة طبعا لعد التأكد من المشكلة
تهنيج وليس كيباد
طاب في حاجة تاني الارقام متلخبطة 3 بتكتب نجمة وال1
يكتب شباك طاب اعمل اية اول حاجة بجرب سوفت
لأن ممكن الجهاز كان عند حد تاني وكان فاصل خد
فلاشة غلط ودائما الفلاشة الغلط بتعمل الموضوع دة
ثم بتجة للهارد والتعامل مع ان كان فلاتة بيتم تغير
الفلاتة واتأكد مافيش اسر رطوبة تحت البرسات
وبعد كدة بتجة الي الكرستالة بالتسخين ثم التغير

يتبع

احمد مشعل

**احمد مشعل** · 31-07-2011, 05:55 PM

خامسا الشحن

دائما اعطال الشحن مابتيجي أما سوكت الشحن تالف او مكسور
او رجولة طايرة من علي البوردة هقولك ماتقلقش خالص
بص معاية علي الصورة دي

دة بالنسبة للسوكت المشط رجولة طايرة من علي البوردة
وطبعا الرجل الاولي والاخيرة هما اللي مسؤلين عن الشحن
بناخد قياسها من بوردة تقطيع وبنوصل الموجب مع الموجب
والسالب مع السالب
ودة الشكل الاول من اعطال الشحن في الاجهزة الصيني
نيجي للشكل الثاني وهو تحذير شحن

اغلبية اعطال الاجهزة الصيني في الشحن مشاكل تحذير
احذر الوصلة غير جيدة التيار عالي وماشبة ذلك
هقولك علي طريقة تعرف بيها ان المشكلة عيب شاحن ولا عيب
في الجهاز في منينا كتير يعرف الوصلة دي هنوصلها بالبور
صبلاي وهنخلي الفولت علي 4.4 وهنسيب الجهاز علي الباور
لمدة 20 دقيقة لو مافيش تحذير يبقي المشكلة شاحن لو اداني
تحذير يبقي كدة المشكلة في الجهاز ونبتدي طرح الحلول وكيفة
التعامل معها في اخ كان معاة مشكلة في جهاز k اول حاجة قولتلو غير
سوكت شحن قلي لأ دة سليم والناتج علي كدة انو اشتغل في الدايرة
كلها وموصلش للحل لذلك اول حاجة التأكد من سلامة سوكت
الشحن ثانيا المقاومة الحرارية r104 وترانزسستور الشحن ومكثف
الشحن ودة هنلقيهم في الصورة دي

طبعا مع الأختلاف في الاجهزة دائما مابيبقي الحل واحد
والمقاومة برضو مسئولة عن عطل الأغلاق البطرية ضعيفة
ودة بيبقي حلها بالتسخين ثم التغير
نيجي كمان لic الشحن مسؤال عن تحذير الشحن
وبيبقي التعامل مع ic الشحن بحرص شديد لأن ممكن الجهاز
يفصل معاك والموضوع يبقي كارثة مع صاحب الجهاز
اولا بعرف صاحب الجهاز ان المشكلة دي بتوصلنا لفصل
الجهاز بنسبة 60% ودة بيبقي بعد التغير والتركيب بصورة
خاطئة وبيبقي نهاية العطل في ic الباور
ومرحلة وصول العطل الي ic الشحن وic الباور منتشرة جدا
في الاجهزة الماتركس وn73ztc اما باقي اجهزة mtk دائما
ما بتنحصر في المقاومة والسوكت والترازسستور وبالنسبة
للأجهزة spread
الموضوع مختلف تماما والعطل اخرة المقاومة r104
وترانزسستور الشحن وحلها طبعا بيبقي بالتسخين
ثم التغير ودائما بتنحل يالتسخين وهزة خفيفة وبتبقي تمام
ومعانا كمان الشحن الوهمي زيها بالظبط زي التحذير
وحلها هو حل التحذير بس في حاجة
جهاز n82 mtk يشحن مهما يشحن وهي هي الشرطة
اروح اشتغل هارد لأ لأن الموضوع سوفت والفلاشة
موجودة في المنتدي وكتير من الاخوة الافاضل اتكلم عنها
سادسا
استهلاك البطرية
اولا هنتكلم علي فئةال MTK
الجهاز مشكلتة تكون البطرية مليانة ويجي صاحب الجهاز
يعمل مكالمة الجهاز مايكملش نص ساعة والبطرية ضعيفة
والحل بيكون تنظيف الجهاز جيدا وتنظيف سوكت الشحن
لأنة دائما مشاكل الاجهزة الصيني بتبقي من سوكت الشحن
طاب نظفت ونفس المشكلة بجرب سماعة تانية وان شاء الله
تنحل المشكلة

سادسا
استهلاك البطرية
اولا هنتكلم علي فئةال MTK
الجهاز مشكلتة تكون البطرية مليانة ويجي صاحب الجهاز
يعمل مكالمة الجهاز مايكملش نص ساعة والبطرية ضعيفة
والحل بيكون تنظيف الجهاز جيدا وتنظيف سوكت الشحن
لأنة دائما مشاكل الاجهزة الصيني بتبقي من سوكت الشحن
طاب نظفت ونفس المشكلة بجرب سماعة تانية وان شاء الله
تنحل المشكلة
طاب في استهلاك لما اشغل الاغاني بيبقي في مشكلة
في الاجراس قبل ماأغيرهم بوطي الصوت شوية لو نفس
الموضوع بغير الاجراس وطبعا دة كلة بعد النظافة الكاملة
للجهاز طاب غيرت الاجراس ونفس الموضوع بتجة في العمل
في الكرستالة بالتسخين ثم التغيير
ثانيا فئة spread
كل مشاكل استهلاك البطرية في سوكت الشحن بتكلم والجهاز
شغال طاب الجهاز بوصلو بالباور صبلاي وقيل ماأشغل
الجهاز بيديني استهلاك هقولك جميع اجهزة spread بة
استهلاك بطرية قبل التشغيل هتقولي ازاي هقولك هات جهاز
لسة انت مطلعوة من الكرتونة ووصلو علي الباور هتلاقي
فية استهلاك ياعني اية
هقولك ان دة عيب تصنيع طاب وعرفت ازاي هقولك دخلي
جهاز n73 تينمو الزبون قرف منة اشتريتة تقطيع وقولت
احاول اوصل لحل لهذه المشكلة رفعت كل ايسيهات الجهاز
ولسة الأستهلاك موجود طاب اعمل اية وصلت الجهاز
بالباور قلت اتحسس السخونة ممكن يكون المشكلة في القطع
الألكترونية مافيش سخونة روحت اتجنيت في عقلي ورفعت
كل ماهو موجود علي البوردة ونفس الوضع ولم اوصل
لحل حتي الان لهذا العطل

يتبع

احمد مشعل

**احمد مشعل** · 31-07-2011, 06:04 PM

سابعا
اعطال الباور
هنتكلم علي اعطال الباور اولأ MTK
الجهاز بيجي فاصل باور اول حاجة ناس كتير مننا بيعملوها
يروح علي البوكس علي طول دة كلام مش صحيح
امال اعمل اية هقولك وصل الباور صبلاي وتابع حركة المؤشر
انا كان المؤشر بيتراقص يطلع وينزل والجهاز مش بيفتح
بروح علي السوفت وبعمل فورمات هنلاقي الجهاز اشتغل
علي طول وفي موضوع في المنتدي بيشرح كيفية تحديد
العطل من علي الباور صبلاي طاب الجهاز اول ماأدوس
علي زر الباور بيسحب سحبة خفيفة واشيل ايدي المؤشر
ينزل بروح ادي للجهاز تنية بسيطة بلاقي الجهاز بيشتغل
ودة مشكلة برسسور طاب اقولك علي طريقة تشتغل بيها
في الصيني والجهاز مايجلكش تاني لهذا العطل
اغلبية اعطال البرسسور فاصل تهنيج تغيب شاشة بيضاء
ثم تديني شاشة سوداء طاب والحل اية بشتغل في اليرسسور
والفلاش مع بعض الأثنين وبدي هزة علي الاربع اطراف من
الايسية ايدك في الشغل تمام اضمنلك ان الجهاز يشتغل بنسبة
90% طاب و10% دول بتوع اية هقولك دول بتوع السوفت
هتقولي ازاي هقولك قارن بين حركة المؤشر قبل العمل
وحركتة بعد العمل هتلاقي في فرق وطبعا بروح علي السوفت
بعمل بوت هنلاحظ ان الجهاز قاري بوت بعمل فورمات الجهاز
بيشتغل ان شاء الله طاب الجهاز بعد الفورمات ماشتغلش
بديلو فلاشة بنفس البيانات وان شاء الله بيشتغل علي طول
طاب الجهاز بوصلو علي الباور وبيديني قفلة اولا نظافة الجهاز
جيدا ثانيا برفع سوكت الشحن طاب نفس المشكلة ببدا في العمل
في البرسسور لأن نهاية القفلة بتكون فية وبيتم معالجتة بالتغير
وليس بالتسخين لأن الايسية بتبقي تالفة ولابد من تغيرها

ثانيا spread
زي ماقولنا في السابق ان جميع مشاكل هذه الفئة دائما بتنحصر
في سوكت الشحن حتي الفاصل او قفلة في الجهاز برفع سوكت
الشحن وبلاقي القفلة غير موجودة .
طبعا الموضوع مفتوح لأي استفسار وسنقوم بالرد عليكم من
خلالي
ومرفق في المرفقات موسوعة شرح للأجهزة صينية
pass:www.gem-flash.com
هدية ليكم بمناسبة شهر رمضان المعظم اعادة
الله بالخير والبركات.
انا وحبيبي ابو كنزي