الأخ عماد الحريري تحت الأضواء..!قول حاحا قبل ماتخش يا عمدة!!

[KaTy 3G]

يابنى فكر تانى وبلاش الحلفان جاوب على اسئلتى انا بقى وانا هاظبطك فى التقييم مليكش دعوه انت بس جاوب يلا ياض جاوب

اسف جدا مش حرد غير لما غرام و طارق و جهاد يدونى تقيييم

[وائل النجار]

كاتي ما ينفعش تحط شروط خااااااااااااااالص

يلا رد على بين ماأرجع معايا 100 سؤال مستنينك ههههههههههههههه

[GhArOmA]

يانهار اسود ومنيل على المرمطة دى
شوفت ياكاتى
وال كنت بتقول عليا مفترية عشان كام سؤال تافهيين وف الموضوع التانى بتهددنى لو جيت هنا تانى مش عارفة هتعمل ايه فيا
اجيب شوية اسئلة انا كمان ولا هبقى ملاك دلوقتى
نياهاهاهاههاها
نيااهاههاهاهاهاهاهاههاههاهها
نيهاهاهاهاهاههاههاهاهااااااااااااااااااااااااااااااااااااااااااااااااااااااااااااااااااااااااااا

(اللهم لا شماتة) انا بريئة وطيوبة برضه
يخليكوا ليا يا رجالة الجيم ياااااااااارب ياجايبنلى حقى من نن عينه
(بس اوعو تعملوها فيا انا كمان والنبى)

[KaTy 3G]

اسف جدا مش حرد غير لما غرام و طارق و جهاد يدونى تقيييم

و اللى عندكو اعملوه و ممكن مردش على اسئلتكم خالص

عارف حتدونى تقيم سلبى سلبى سلبى بس ارحم ما اقعد ساعه ارد على طارق
و اقعد اكتب 50 سطر عن نفسى عشان جهاد
و اخد على افايا

[وائل النجار]

هههههههههههههههههههههههههههههههههه


طيب أوعدك إنك هتاخد تقيم من الجميع لمى تخلص من الأسئلة


وده وعد مني ليك

يلا يا برنس جاوب هههههههههههههههههههه

[KaTy 3G]

وائل انت حبيبى و طلع منها

انا حتصرف معاهم اخد حقى عشان اجاوب على 160 سؤال و انا مش مضايق

[Elbetar]

الحق احق ان يتبع

المفروض ياجدعان كل الى وعد الواد انه هيديله تقييم اول ما يجاوب على اسئلته المفروض يديله التقييم

لكن الى موعدش بحاجه خلاص ياعم كاتى متزعلش نفسك متجاوبش على اسئلته تانى غير لما يديك تقييم

وقلى عليه مين هو وانا اديله تقييم سلبى يابوب

ومش عايزك تزعل خالص

يلا بقى شد حيلك وورينى الهمه بتاعتك وجاوب على اسئلتى انا

وانا هاديك دوبل تقييم ولا تزعل نفسك

[Elbetar]

ادينى اهو رزعتك تقييم مكان طارق لانه استنفذ كل التقييمات بتاعته انهارده

اى خدمه

[GhArOmA]

اسف جدا مش حرد غير لما غرام و طارق و جهاد يدونى تقيييم

و اللى عندكو اعملوه و ممكن مردش على اسئلتكم خالص

عارف حتدونى تقيم سلبى سلبى سلبى بس ارحم ما اقعد ساعه ارد على طارق
و اقعد اكتب 50 سطر عن نفسى عشان جهاد
و اخد على افايا

ياعم انت هتعيط ولا ايه
متتلككش بيا
انا والله جيت اديك التقيم قالى اسف لابد ان تعطى سماحات اخرى لناس تانى
لانك كنت اخر واحد مدياله تقييم على موضوع كورمبو
استنى بقى شوية ومتتلككش بيا
وبعدين من اتى وعلى الكرسى بيدوا تقيمات
دة اسمه انتقام ولا كرسى الدلع
جاااااوب بدال ماهتلاقى تل اسئلة عليك ولازم تجاوب وتفضل تعيط
ومش هناكل عليك التقيم يا

[KaTy 3G]

حبيب قلبى يلى انت اسمك زى اسمى يلا كله خير عاوز اقولك حاجه في بداية كلامي

الكرسي ده دوار ع كل المتواجدين ونقدر نقول انه شر لابد منه

فهابي كرسي اعدام تو يو ومش عايزك تقلق خالص ولا تتخض اوك

طبعا انت لسه ماسك اشراف زيرو انهارده بس

فى الاول الف مليون مبروك يابرنس وفعلا تستحقها بجداره

ودى هديتى ياعم




ونقول بسم الله

1-ايه رايك في الاشراف ؟
الاشراف تكليف و ليس تشريف
2- هل غير الاشراف اي شئ في تعاملاتك مع احد؟
لا مش اعتقد
3-ايه افكارك لتطوير القسم؟
حتعرفها قريب بس النت يتظبط
4-ممكن تستعمل خاصيه الايقاف كتير؟
مش عارف اساسا ايه هيا الخاصيه ديه موجوده للمشرفين
5-اى الى خلاك تفكر فى الاشراف ؟
انا مفكرتش فى الاشراف انا كنت موجود فى القسم عادى
و بجاوب على استسارات الاعضاء
بس لما لاظت اختفاء هيرو سالت عنه عرفت ان عنده ظروف
قلت لازم يبقى فى مشرف للقسم
6- نفسك تكون ماسك منصب اى فى المنتدى هنا ؟ مليش دعوه ياض لو اتوقفت
مش نفسى فى اى منصب اعلى من اللى انا فيه ان حفضل زى ما انا و بنف مجهودى و نفس نشاطى و مش عايز غير انى اكون معاكم
7-هل انت واثق من نفسك انك تستحق الاشراف ولا لا؟
الحمد لله مادام انتوا شايفين انى استحق الاشراف يبقى اكيد انتوا ناس اكبر منى و خبراتكم اكتر منى و اكيد شوفتونى اكتر منى لان مفيش حد بيشوف نفسه وحش
8-انت بتفهم فى شغل الصينى ولا مترشح منظره وخلاص ؟
انت شايف ايه
انا الحمد لله اعتبر من احسن 10 شغالين صينى فى الاسكندريه
9 - انت كنت حابب انك تكون مشرف ولا هى جات معاك صدفه ؟
لا هيا جات كده
10- انت اول مره تمسك مشرف هنا فى المنتدى ولا مسكت اشراف قبل كده فى منتديات تانى ؟
انا كنت صاحب موقع زمان و بعته يعنى الموضوع مش جديد عليا
وادينا خلصنا من الاشراف وبركنالك وكل حاجه اهو

وندخل بقى فى المنتدى

11- اى رائيك فى الجيم بصراحه ؟
منتدى جامد و فيه تيم جامد جدا اظن الناس ديه الاداره يعنى لو اتجمعوا فى شركه حتبقى اجمد شركه فى العالم
12- افضل قسم ؟
اكيد قسم النوكيا عشان التواجد كتير فيه و الرجاله اللى فيه من الاخر
13- افضل مشرف ؟
لا مش حقدر ارد لان فى كتير و اخاف انسى حد
بس كل مشرفين الجيم مستواهم عالى جدا
14-افضل مراقب ؟
وينزو و ده لانى متابع مواضيعه لانها فى مجال عملى السوفت وير
15- افضل vib ؟
غزال
16- افضل مشرف سوبر ؟
كلهم جامدين بصراحه
17- افضل ادارى ؟
جهاد و عمو ناصر و مينا و ايزاك
18-افضل موضوع تابعته فى الجيم ؟
اعقتد موضوع اسماعيل 002
بتاع تانى ضربه لراسكل
19- افضل عضو ؟
انت تقول بدالى بقى لانى مش واخد بالى و فى قسمى بصراحه مفيش
20- عايز منك مميزات وعيوب كل شخص من دول على حسب تعاملاك معاه وبص ياض انت

انت لسه صغير فخليك صريح من صغرك ومتخفش من حد ومش عايز مجامله

غرام
هههههه عسوله المنتدى بس ليه بتعمل موضوع التفرقه و حقوق المراءه و الكلام ده كله
بتجيبه لنفسها
امنيه كاظم
صاحبه غرام حتبقى ازاى يعنى ؟؟؟؟
القلب الابيض
متعاملتش معاها خالص
غزل
طيوبه جدااااااااا
مينا
حبيبى بجد و نفسى اعقد اشتغل معاه صبى فى المحل و اتعلم منه
اسحق
لم اتعامل معاه بس راجل تقيل
ناصر
الاب الروحى و هو اللى شجعنى انى اقدم نفسى للاشراف
جهاد
قبل الاسئله كنت بحبه جدا
و بعد الاسئله بحبه برضه
ياسر المصرى
متعاملتش معاه
بس راجل صح جدا و متميز جدا
وينزو
بحبه جدا مع انى متعاملتش معاه
طارق اون
اه اه
طارق مشرف متميز جدااااااا
احمد فوزى
ده حبيب هارتى بحبه جدا مع انى عمرى ما اتعاملت معاه
بس بحبه لله فى لله
اسماعيل جوست
بجد انا حسيت انه اخويا الكبير و الوحيد اللى ممكن
اديله باس المنتدى هنا
هيرو
طبعا استاذ و له كل حق التبجيل
نور
عاقل جدا و متوازن قوووى و ده اللى بحبه فيه
احمد عصمت
حصل تاتش كده بس اتصالحنا و راجل زى السكره
واخيرا

elbetar

اشقى واحد فى المنتدى

وكده خلصنا من المنتدى وندخل على البيت والعيله

21- ماذا يمثل لك ابوك ؟
كل حاجه
22- ماذا تمثل لك والدتك ؟
الله يرحمها
23- عندك كام اخ ؟
ولا واحد
24- عندك كام اخت ؟
اختين
25- مين اقرب واحد ليك فيهم ؟
ابى و مرات ابى
26-لو عندك بنت عمك او بنت خالتك حلوه ممكن ترتبط بيها ولا مليكش فى جواز القرايب؟
امى كان نفسى تجوزنى بنت خالتى
وكل ولاد خالاتى حلوين و عايز اتجوزهم كلهم
بس مينفعش
27- بتحب مين اكتر عيلة والدك ولا عيلة والدتك ؟
عائله والدى بلا مقارنه
28- بتقعد فى البيت كتيير ولا لوكانده بس ؟
لا مش بقعد كتير و لو قاعد ابقى على الكمبيوتر
29- بتحب اكل البيت ولا مقضيها كنتاكى ؟
يعنى بس انا مش بحب الاكل
30- معاملتك مع اخواتك ازاى الاب الروحى ولا عنتر بن شداد ؟
الكبيره الاب الروحى
الصغيره عنتر ابن شداد
وخلصنا العيله وندخل فى الاسئله العامه يعنى المتلخبطه يعنى اى سوال هيجى فى دماغى هاكتبه وانت تجاوب بس فهمت

31-اخبارك العاطفيه ايه؟
وحشه جدا

32-ناوي تتجوز امتي؟
اول ما اخلص كليتى و اتعين او اشتغل وكيل نيابه

33-لو ربنا كرمك بواحده زى مروه عرافها ممكن تشغلها معاك فى المحل ولا اى رائيك ؟
لالالالالا طبعا و بعدين انا شغال فى شركه مش محل
34- انت موافق على شغل البنت اصلا ولا اى رائيك ؟
لا طبعا احنا فلاحين و معندناش بنات تشتغل
35 - بتحب الجواز التقليدى ولا لازم جواز عن حب وجنينة الاسماك والذى منه ؟
والله نفسى طبعا اتجوز البت اللى بحبها
36-بتقضي يومك ازاي من لما تصحي؟
بفتح الكومبيوتر و بعد كده بقوم اغسل وشى
37- بتحب تخرج مع مين ؟
مع محمود صاحبى
38-انت اجتماعى ولا ماشى لوحدك ؟
لا اجتماعى
39- انت ياض انت بتشرب سجائير ولا لسه صغير ؟
لا كبير بس مش بشرب سجاير
40- ولو بتشرب بتشربها لى بتحسسك انك راجل ؟
لا طبعا
41- وممكن تبطلها ولا اى ؟
الحمد لله مش بشرب بس بشرب تفاحه
42-تحب تخرج مع اصحابك ولا انت والموزه افضل ؟
والله حسب المووووووود
تعبت نريح شويه اوك مفيش مشكله

يلا سخن لغاية ما اجيلك تانى



43ما معنى الكلمات الأتيه من وجهة نظرك :

الاخلاص
حلو فى الحب
- السعادة
حلوه برضه بكل حالاتها
- الأمل
حلو لو معاك جهاز ميت
- الأحلام
مش بحبها
- الراحة
نفسى انالها
- التعب
هههههه ده حبيبى الروح بالروح
- البهدلة
من صغرى ماشيه معايا
- الزواج
نفسى فيه
- النقاء
اه لما بجى اشرب
- العلم
ملهوش لازمه
- الغباء
مش بحبه خالص
- الاحترام
مباءئ من مبادئ
- الشهامة
طول عمرى شهم
- العقل
زينه
- الذكاء
بحب جدا و احب اكون اذكى من اللى قدامى
- الاعدام
و انا مالى يا عم
- الكره
مش بحبه خالص بس فى ناس بكرهها جدا
- كرسى الاعتراف
اه منه يا لهووووووووى

44-اكتب فيما لايقل عن سطرين موقفا تعرضت له كما يلى

1- موقف محرج .
مره كنت نازل اشترى هدوم و اشتريت وروحت اشترى كوتشى من توكيل nike المهم كانوا خلاص بيقفلوا و قلت لهم استنوا و دخلت و قست واحد و عطلت الناس و قلت حاخدها و لقيت تمنه 600 جنيه المهم كل اللى كان فى جيبى 570 جنيه

و كان شكلى وحش قووى المهم قلت للواد ححول لك رصيد بالباقى


و حولت له 30 جنيه و روحت من غير ولا مليم

2- موقف كوميدى .
مره انا و اصحابى ركبنا مشروع رايح فكتوريا المهم اخدت منهم الاجره و قل للسواق الاجره كام قالى نص جنيه
قلت له طيب احنا 3 و معانا جنيه و ربع ينفع و كان المشروع كله بنات قعدوا يضحكوا المهم انا كان معايا فلوس كتير الحمد لله بس طلبت معايا
ده اقرب موقف فاكره
3- موقف نكدى
يوم ما والدتى توفت طبعا معتقدش فيه انكد من كده
اغمى عليا اليوم ده 3 مرات
4- موقف محرج .
مكرررررررررر
5- موقف مؤثر نفسيا وعاطفيا .
يوم ما سبت حبيبتى و احنا الاتنين
كنا لسه بنحب بعض بس سبنا بعض غصب عننا
45-انت معندكش مشاكل انك تتجوز حد اكبر منك؟ولا المبدأ داه مش بتقتنع بيه؟
لا مش مقتنع بيه يا عم البنات بتكبر قبل الرجاله اتجوز بقى واحده
تكبر قبل منى
45- انت راضي وحابب نفسك دلوقتي؟
الحمد لله بس مش قووى
46-لو فكرت تسيب شغلك نفسك تشتغل فين؟او تمسك وظيفه لايه بالظبط؟
اه حسيبه و مش نفسى اكمل فيه
نفسى ابقى وكيل نيابه
47- نصيحه لاي بنت؟
الجواز العرفى حوار
48-كام مره كنت فيها ندل؟
مع رجاله عمرها
مع بنات كتيرررررررررررر
بس بصراحه ساعات ببقى ندل يعنى مش برد على واحد مش عايز اكلمه
49-عايز مين يدخل يسالك هنا؟
عادى والله مش فى دماغى حد معين بس اللى نفسه فى حاجه يسالها
50-كام مره احرجت نفسك في المنتدى ؟وايه السبب؟
هيا مره
بتاعت النصب نقابه المحمول
اتحرجت مع استاذ احمد عصمت
51-انت شيك في لبسك ولا اي كلام؟
ههههههه
انا كل فلوسى ضايعه على الهدوم و مش بحب البس حاجه رخيصه و الحمد لله بلبس من احسن محلات
52- انت بتشارك في دخل البيت ولا كله على المزز؟
ابويا طبعا مش حيوافق انى ادفع بس بصراحه انا بصرف على نفسى
و كتير بدى اخواتى فلوس و الموزز هما اللى بيصرفوا عليا
53-عايزني اسالك في حاجه معينه وابعد عن حاجات تانيه؟ياتري ايه هيا الحاجات دي؟
انت قلت مش حتسال تانى
عايز حد يسالنى عن رياضتى المفضله
53- اختار عضو وعضوه تطلع بيهم من المنتدي مع ذكر سبب واحد فقط يعنى تخرج خروجه معاهم فسحه ؟
انا ان شاء الله خارج بكره مع اسماعيل جوست
و حنروح القاهره و احتمال نعدى على فوزى و مينا
55-ساكن في منطقه شعبيه ولا راقيه؟
منطقه راقيه
56-هو انت من النوع اللي بتفطر كل يوم ولا بتعتبر الفطار من الرفاهيات؟
رفاهيات و الغداء و العشاء كمان

57-وأعظم جرح دفنته ؟
مش عارف

58-اسوأ خبر سمعته ؟
موت امى
و نتيجه 2 ثانوى

59-وأجمل خبر ؟
نتيجه 3 ثانوى و انى نجحت فى 2 كليه

60-ماهو الموت ؟
الله اعلم

61-اكثر شئ ندمت عليه؟
انى ساعات كنت بزعل والدتى و كانت تطلب منى طلبات
و انا انفض لها


62-دعوه صادقه من اعماق قلبك لمن تهديها ؟
ابى و امى و اخواتى

63-اوصف نفسك كما تراها ؟!
طيب
عصبى
صاحب صاحبى

64-و اخيراً صف نفسك بكلمات بسيطة كما يراك الناس ؟
غيور
متميز
سنى صغير

65-كنت متوقع انك نازل بعد نور ؟
لالالالالالالا

66-عرفت إزاى إنك بقيت على الكرسى ؟
بالصدفه البحته
داخل القسم عادى
لقيت ضرب تحت الحزام و اسمى اترعبت

67-نفسك تنزل إمتى من على الكرسى ؟مش تقول دلوقت أومال مين هيجاوب على أسألتى ؟
لا حكمل المده عادى


68-إزاى بتحكم على الشخص اللى قدامك ؟
دا فى الواقع
من تصرفاته و كام سؤال ممكن اسالئهم

أومال لو على النت ؟شات مثلا & أو المنتدى زى كده ؟
يعنى برضه تصرفاته و طريقه كلامه

69-ايه الفرق بين الشات & المنتدى؟
انا عمرى ما دخلت غرفه شات


70-دخلت شات قبل كده ؟طبعا ؟
لالالالالالا

عمرى عمرى عمرى

71-بتدخلو دلوقت ؟
لالالالا

بقلك اى ياض ياكاتى

72-انت شخصيه إجتماعيه ؟
ايون

73-إنطوائيه ؟
لالالالا

74-محبوبه ؟
الحمد لله جداااااا

75-شخصيه مثيره للجدل ؟ ( حلوه مثيره للجدل دى ) يعنى ايه ؟
اه مثيره جدااااااااااااا

عشان سنى صغير و دماغى كبيره و خبرتى كبيره

76-نورانت لبق فى الكلام مع اللى حواليك ؟

نور مين ؟؟؟؟؟

لا مش لبق بتكلم بحريه


77-أسئلتى رخمه ؟؟عارف اصلى مينا قالهالى كتيير هههههههههه
هههههههههه

78-بتخليك تفكر قبل الاجابه شويه ؟
لا والله بجاوب علطول

79-هما ليه عملو لعبة كرسى الاعتراف فى المنتدى ؟
مش عارف بس الموضوع ده قديم و انا مجربه زمان بس مش كده خالص

80-بمعنى ايه فوائدها وايه أضرارها ؟
مش فاهم بجد

81-طول الاسئله للشخص اللى على الكرسى ممكن يأثر بالسلب ولا بالايجاب عليه ؟

لا والله عادى بس التكرار هيا اللى بتخنق
طبعا سخنت كويس

ودلوقتى عايز تاخد دش بارد مفيش مشكله براحتك



دى صوره ليك بكاميرات مراقبة الجيم

ههههههههههههههه


82-تاريخ ميلادك ايه بالهجرى ؟
كان فى رمضان و مولود ساعه ضربت المدفع
83-فى الشهر الماضى اللى فات ده هل !! أجب بنعم أو لا
على الاتى


ضربت حد ؟
ممكن

ضحكت لما بكيت من الضحك ؟
اه

قابلت حد كان نفسك تشوفو من زمان ؟
اه

ظلمت حد ؟
لالا بس اتظلمت

كذبت على حد ؟
اه

سعدت سعاده شديده ؟

يعنى
حزنت حزن مفرط ؟؟
اه

بكيت ؟
لالالا
بكيت كنت بسمع درس للدكتور حازم شومان
ندمت على حاجه عملتها ؟
اه عملت و لسه بعمل بلوه

ـــــــــــــــــــــ


84-تعبت من الاسئله ؟
اه و عايز انزل و حكمل لما اجى

85-شايف انى برخم عليك ؟؟ومتطفل ؟
عادى انت من حقك تسال زى ما انت عايز

86-بتعجبنى صراحتك بجد والله ومش بتزعلنى
نكمل ؟
محوراتى قووى انت

اوك


87-متابع أخبار ؟
لا مش قووى لانى مش بتفرج على التلفزيون

88-محليه ولا دوليه ؟
ولا ديه ولا ديه

89-ايه رأيك فى الوطن العربى كلو ؟سؤال كبير ؟
ممكن يبقى كويس لو بقى زى الجيم فلاش

انت أدو يا باشا


90-بتتكلم فى السياسه مع صحابك ولا موش مهتم باللى بيحصل ؟
لا خالص بس عندى واحد صاحبى خنيق كل ما يجيى يتكلم فى السياسه
نقعد نتريق عليه و نخنقه


91-تفتكر ان فيه فساد فى كل مكان بالعالم ؟

اكيد يعنى امريكا فيها اكبر نسبه بطاله
92-تعرف ايه عن النكسه الاقتصاديه اللى حصلت فى الفتره اللى فاتت ؟
البورصه اتضربت و عمى خسر فيها جامد

93-مش عاوز أسئله من النوع ده ؟
اه لانى مش بحب الحاجات ديه

الاسئله كلها من المقرر ومش خارجه بره القانون قصدى المنهج
ماشى يا سيدى وانا مش هزعلك
نخلينا فى حاجات سهله
...
.....
.......
94-لو قلتلك عضو عاوز تخليه بره المنتدى خالص ( تشطب عضويته )غيرى طبعا
واحد اسمه هيثم علطول حاشر مناخيره فى مشاكل الاعضاء
و كل حاجه يقول استعاده ضبط المصنع
و بعد ده كله بيشتم عليا

95-ايه أكبر أمنيه عندك فى الحياه ؟

يعنى انى ازور بيت الله الحرام و انى اشتغل و اكمل نص دينى
96-لو
لو يعنى مش بجد
لو معاك مليون يورو مش دولار فيه فرق طبعا


أول حاجه هتفكر تشتريها ايه ؟؟ بجد مش بهزر
اشترى عربيه روز ريس

أول شخص هتفكر فيه مين ؟؟؟
اكيد اهلى و عائلتى

وليه ؟
يعنى بالفطره بس اساسا مش حيكفوا تمن العربيه

97-الفلوس فى رأيك ايه ؟؟
ولا حاجه و ياريت تتلغى

98-الحياه كلها توصفها بإيه ؟
حلم و عايشين فيه بس القدر بيلعب لعبته معانا

99-حياتك ممكن تقدمها فدا حد ؟؟

اكيد لو حد من عائلتى
زمان كنت بخلص عند 100 لكن علشان انت جائيلك توصيه موووووز

لازم تكون غير الناس كلها ولازم تاخد واجب محدش خده

وكمان متوصى عليك من مين

ده من حبيب قلبى جهاد

هههههههههههههههههه

ونقول بلاش 100 نعديه السوال الى هيتعبك ده

ونقول

101\ اجمل كلمهـ وهديهـ سمعتها بحياتكـ ...وممن كانت.!!؟؟
بحبك و اكيد من حبيبتى
102\ اجمل بيت شعر قرأتهـ ولمن ...!؟؟
و لا اعرف فيه
103/ نوعية كتبكـ المفضله ....!
زمان كانت روايات بوليسيه
رجل المستحيل
104\ اجمل خاطرهـ قرأتها ....!
لا مش بقرا الحاجات ديه
105\اجمل لحظات حياتكـ ..؟
اكيد مع الانسانه اللى حبتها
النسيان نعمه ..مالذي تتمني نسيانه ..؟؟106-
خيانه صديقى لى




107ـ حين يعود كاتى الى اعماق نفسه كيف تراها حقيقة ..??
انسان غبى مش بعرف قيمه اللى فى ايدى
108هل تفضل الكتابه بالقلم أم بالمرسام؟؟ << ثؤال فلثفي شوي!!
بالكيبورد اسهل و الخط احلى
109ما هي المتغيرات التي تجبر كاتى على القسوة؟؟
الخيانه
عدم سمعان الكلام
قله الادب



لو رجع بك الزمن الى الوراء

110-فما الأمورُ التي تود ُ أن تحققها بعد أن ندمتِ َ حاليا على أنكِ ضيعتيها من بين يديدكَ؟
يعنى حنعيد و نزيد انى مخسرش حبيبتى
111- يُـقالُ بأنّ : الحبَّ الأولَ لا يُنســـــى! كيف وجودهُ معك َ؟ ومارأيكـ في هذا القول ..!!
فعلا صحيح 100% و لسه موجود و معلق و مش عارف انساه
112- ما أصعبُ موقف ٍ مرّ عليكِ في المنتديات ؟
كان فى موقعى بعد ما وصل لمكان عالى جدا اتقفل 6 شهور و ضاعت كل حاجه عليه و العضويات و كله
113-وماهو الموقفُ الذي تتمنى أنكَ لم تفعله ؟ ،
مره ضربت ست عجوزه بس قليله الادب جداااااا
114- ليس من السهل ان نجد السعادة في داخلنا
فعلا الحزن طاغى علينا
لكنه من المستحيل ان نجدها في أي مكان آخر
ممكن برضه

115-كيف نستطيع ان نجد السعادة فعلا في انفسنا فقط؟
ولا اعرف و ربنا

116- عندما تشعر بالضيق عادة ماذا تفعل ...؟
يعنى بدور على حد اتكلم معاه
بطلع اتمشى على البحر شويه

117- امتي بتحس ان بالك مرتاح و رايق علي الاخر ؟

لما يبقى ابويا راضى عنى و يبقى معايا فلوس كتير كسبتها
118- يعني ايه حرية شخصية في وجهة نظرك ؟
مفيش الكلام ده
119- بتاكل كام وجبة في الساعة ؟

هههههههههههههههههههه

قول فى اليوم
120- تعمل ايه لو تعرضت لظلم ؟ هتحس بأيه ساعتها ؟

اخيييييييييه اوحش احساس و الحاجه الوحيده اللى مش بقدر اسيطر على دموعى ساعتها
121- ايه اكتر موقف بيضحكك و كل ما تفتكره تفضل تضحك عليه اووي ... اجب فيما لا يقل عن 35 سطر ؟
مش حقدر اجاوب عن السؤال ده
122- بتحب تجامل الناس اللي بتتعامل معاها ؟
يعنى مش فى كل الحالات
123 - تحب اجبلك عصير ايه تشربه دلوقتي عشان تروق دمك ؟
عصير سوبيا على خروب
124- مين أكتر عضو بتحبه فى المنتدى ؟؟
اسماعيل جوست
125- مين أكتر عضوة بتحبها فى المنتدى ؟؟
غرام
126- مين اول عضو اتعرفت عليه هنا فى المنتدى ؟؟
اعتقد كرم
127- بردو مين أول عضوة اتعرفت عليها هنا فى المنتدى ؟؟
متعرفتش اصلى بتكسف من البنات
128 - عندك على الايميل كام واحد وواحدة من المنتدى ؟؟ ومين هما
عندى على الايميل
جهاد - مينا - ناصر - اسماعيل - كرم - سعد العربى
تقريبا بس كده
و العضوات مفيش
129- بتحب تستخدم الياهو أكتر ولا الهوت ميل وليه ؟؟
الهوت ميل عشان عندى عليه حوالى 2000 ايميل
و الاون لاين لا يقل عن 50
الياهو كان زمان ممكن تلاقى اون لاين15-20
130- -مواصفات فتاة احلامك ايه ؟

سؤال مكررر

هخليك تلف حوالين نفسك وتقول انا ليه ؟ انا مين ؟ انا امتى ؟

ههههههههههههههههههههههههههههه

متخفش يا كاتى هتتدلع دلع محدش شافه قبل كده

ونقول


اكتر دوري بتحبه-131
الايطالى
بتشجع فرق ايه-132
اسى ميلان
بتحب منتخب مصر133-
اكيد هو انا هندى
134-شايف نقدر نكسب بطوله كاس العالم
لالالالالالالا
135-هل في امل اننا نصعد كاس العالم
ممكن
136-مين اكتر لاعب مصري بتحبه
ابو تريكه و الحضرى و بركات
137-اكتر لاعب عالمي بتحبه
ميسى
138-اكتر منتخب بتحبه
ايطاليا
139-اكتر نادي عالمي بتحبه
شيلسى
140-انت اهلاوى ولا اهلاوى ولا اهلاوى ؟
اهلاوى
141-ايه أول مشاركة ليك فى المنتدى ؟؟
مش فاكر
142-ايه أكتر موضوع قرأته فى المنتدى وعجبك ؟؟
كان موضوع عن البوكسات اللى اتكركت فى 2008
و شفته مره واحده و دخت عليه بعدها ملقتهوش
143-مين أكتر مشرف بتحبه هنا فى المنتدى ؟؟؟
مينا و فوزى و سمعه و ميزو
144-في نظرك كيف يحقق الأنسان أي حلم او هدف يسعى اليه؟
يعمل اللى ربنا يقدره عليه
145-من أقوى بنظرك؟؟
اوك
146- قلبك أم عقلك ؟؟
عقلى
147-و أي واحد فيهم يتحكم بحياتك ؟؟
عقلى
148-ما هو المعنى الحقيقي للسعادة والشقاء ؟؟
السعاده هيا السعاده و القاء هو التعب بمقابل
149- ايه اكتر3 غلطات كبيره عملتهم في حياتك؟
مره غلطت فى ابويا
مكنتش بسمع كلامى امى
سبيت لواحده ست كبيره بس كانت قليله الادب
150-اكتر سنه دراسيه كان حلوه في حياتك؟
اولى ثانوى
اكتر سنه كنت مقرب فيها لربنا
151-هتعمل ايه لو شوفتني في الشارع صدفه؟
حسلم عليك و ابوسك طبعا
152-مين العضو اللي في رايك شايفه بتاع بنات وشايف نفسه؟
مفيش كلهم ناس محترمه
153-ايه اكتر موضوع بتحب تتدخله في المنتدى ؟
الموضوع ده كرسى العذاب
154-مين اكتر عضو بيعجبك ردوده واكتر عضوه ؟
سمعه ردوده حلوه و غرام
155- مين المشرف اللي مش بتحبه؟والمشرف اللي عاجبك؟
مشرف مكنتش بحبه احمد حزورى
مشرف عاجبنى مينا بتاع موتورلا
156-مين العضوه اللي نفسك تعرف اسمها وتتعرف عليها؟
عارف اسميهم كلهم
157- اول عضو\عضوه كلمته في المنتدي؟
سؤال مكررر
158-لو خرجت مع غاده عادل هتلبس ايه؟ وهتوكلها ايه في الطريق؟
يا لهوى بس اخرج معاها الاول

حاكلها حمص شام
الناس ديه بتحب كده
159-امتي حسيت انك اتظلمت فى الحياه
لما اتعمل لى قضيه انى حرشت كلب على واحد و اخدت منه فلوس
و اللى عمل كده واحد اسمه احمد مصطفى الخياط
و كان جارنا
و لما جواب المحضر جالى اكلت ضرب من ابويا و امى
160 لو عاكست واحده ست كبيره وعامله في نفسها بلياتشو وشتمتك؟هتعمل ايه
استحاله يا بوب مش بعاكس خالص
والله حظك حلو جالى تليفون ولازم امشى دلوقتى لولا كده كنت ناوى اكملهم 200سوال

بس خلى بالك اى سوال مش هتجاوب عليه من دول هيضافلك يوم زياده على الكرسى

وشوف مين الى هيحوشك من هنا

هههههههههههههههههههه

هتداس هتداس ياعباس

مش الاخ اسمه عباس بردوا

على فكره والله من ساعت مجهاد ال كلمت السر وانا قاعد بكتبلك فى الاسئله واظبطهملك

وموقف شغلى وتاعب ايدى وعينى علشان خاطر عيون جهاد

ومتجيش انت بعد كل ده تجاوب جواب ميلدش على عايز اجابات من المقرر والمنهج كله موجود معاك

ومفيش اى سطر محذوف

يلا ياض بقى سلام اراك امس

سلام ياعباس

الحمد لله انجزت