بص يا سيدى الموضوع بسيط لان سامسونج من يومها ليها لودرات (برامج مجانيه لتنزيل الفلاشات) كتير ومع التطور اللى حصل بعد تعميم نظام اندرويد اتغير اسم اللودر وبقى اودين وفى اكتر من موضوع مثبت بالمنتدى بيتكلم عن الموضوع ده ممكن تقراهم وانشاء الله حتستفيد منهم كتير
بس خلى بالك في حاجات لازم تعملها كل مرع قبل ما تنزل سوفت لاى جهاز سامسونج
1- لازم تحتفظ باسم الفلاشه اللى على الجهاز لان في اجهزه مبتشتغلش غير على فلاشة بلادها بس
2- لازم نعمل قطعة jig لاجبار الجهاز للدخول على وضع download mode
3- وانت بتدور على فلاشه معينه لاى جهاز على الجيم او اى منتدى تانى متفرحش اول لما تلاقى الفلاشه لأ لزم تكمل قراية الموضوع للاخر لان ممكن يكون عندك جهازين نفس الاسم والموديل وكل واحد ياخد فلاشه غير التانى
4- ابتدى بالراحه الاول عن طرق برامج الاودين المختلفه بمعنى جهاز جالك معلق على سامسونج او جهاز جالك تعريب ولما تحس نفسك ابتديت تمشى على الطريق الصح اشتريلك بوكس وهكذا
5- مينفعش يكون عندك بوكس واحد للسامسونج لان كل لما حتتعمق حتلاقى بحره واسه فحتلاقى نفسك ابتديت بشراء z3x شويه حتتخنق حتشترى spt شويه تانى لما الشغل يكتر واسمك يكبر حتشترى octoplus بإذن الله
6- اللى بيموت سوفت بيقوم سوفت صح بس مع السامسونج لأ بيقوم سوفت وهارد مع بعض عن طريق بوكسات الجيتاج jitag وده موضوع طويل والحمد لله إدارة ونشرفين واعضاء الجيم فلاش عملين قسم كامل للبوكسات دى
اسف لو كنت طولت عليك بس صدقنى انا اختصرت على قد ما قدرت
والله المستعان
المفضلات