يبقى انت اكيد اكيد فى مصر ( 25 يناير الثورة )
السلام عليكم
من سنتين عملنا موضوع باسم ( يبقى انت اكيد فى مصر )
والنهارده الجزء الثانى من السلسلة الطويلة جدا من المواقف اللى بنشوفها فى مصر بس المره دى بشكل مختلف
الموضوع ده هدية منى لاخى ياسر المصرى
( يبقى انت اكيد فى مصر )
لما تلاقى واحد واقف الساعة 7 الصبح بينظم المرور ومش مستنى فى المقابل حاجة
لما رئيس وزراء دولة يصلى جنبك ع الرصيف لما تسمع واحد فى الشارع بيقول تعدى اول دبابة تانى دبابة تالت دبابة تدخل يمين فى شمال
لما هدايا عيد الأم هذا العام تبقى سبراى سيلف ديفنس...صاعق كهربائى...مسدس صوت
لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه
لما الناس لسة لاقية تاكل فى بلد بتتنهب بقالها 30 سنة
لما أبوك يسيب أخبار التلفزيون ويجى يقولك شوفلى الناس بتقول إيه على تويتر
لما زمان كان عندى القدرة أتفرج على تلت ولا أربع ماتشات كورة ورا بعض و مزهقش...ودلوقتى أزهق من شوط واحد
لما الجيش يبعتلك مسجات أكتر من خطيبتك
لما الإخوان المسلمين يجتمعوا بالمجلس العسكرى, وأمن الدولة يصبح تنظيم محظور
لما أهلك يفتخروا بيك قدام الناس ويقولو ده مش بيقوم من عالفيس بوك
لما العالم كله يتابع السباق الرئاسى فى مصر كأنه إنتخابات أمريكا
لما نبقى طول عمرنا بنقول نفسنا نبقى زى أمريكا وبعدين أوباما يطلع يقول نفسنا ولادنا يبقوا زى المصريين
لما تلاقى الناس وهى داخله تصويت الدستور بتقرا الفاتحة على روح شهداء التحرير لانهم كانو السبب فى وصولهم لهذه المرحلة
يبقي تقول فعلا بجد انك مصري بكل فخر
ولا تنسو قراءة الفاتحة لكل شهداء ثورة 25 يناير
رد مع اقتباس
.gif)
.gif)
المشاركة الأصلية كتبت بواسطة IRAQ MASTER
المفضلات